As e os socialistas lembran que os centros de día son competencia exclusiva da Xunta de Galicia e acusan ao PP de Lugo de seguir instalado na mentira e nas malas artes da política
Lugo, 6 de xullo de 2026. O PSdeG-PSOE provincial de Lugo considera unha nova mostra de oportunismo político as declaracións realizadas polo Grupo Provincial do PP sobre a residencia de Trabada e lembra que os centros de día son unha competencia exclusiva da Xunta de Galicia, administración gobernada polo Partido Popular, que leva anos sen asumir plenamente as súas responsabilidades na planificación e prestación deste servizo esencial.
As e os socialistas explican que a rede pública de residencias da Deputación naceu precisamente para corrixir un déficit histórico de prazas residenciais na provincia, provocado pola inacción da Administración autonómica. “A Deputación deu un paso adiante onde a Xunta do PP non chegaba, asumindo un esforzo económico e de xestión extraordinario para garantir atención ás persoas maiores. Pero iso non significa que a institución provincial teña que asumir tamén todas as competencias que lle corresponden exclusivamente á Xunta”, sinalan.
Neste sentido, consideran “especialmente grave” que o PP intente facer crer á cidadanía que a Deputación está a renunciar aos centros de día, cando é o propio Goberno galego o responsable da planificación da rede pública de servizos sociais especializados.
Dende o PSdeG subliñan que “o PP de Lugo segue instalado na mentira e nas malas artes da política” e advirten de que “o máis preocupante é a concepción que ten do sistema público de protección social”. Neste sentido, critican que o Partido Popular “intente facer pasar á veciñanza por ignorante, confundindo deliberadamente as competencias de cada administración para esconder que é a Xunta a que leva anos inhibíndose das súas obrigas”.
As e os socialistas lembran que a prioridade do ente provincial sempre foi garantir o correcto funcionamento das residencias e adaptar os seus espazos ás necesidades asistenciais existentes, decisións que responden a criterios técnicos e de eficiencia na prestación dos servizos.
A formación insta ao PP de Lugo a esixir ao Goberno galego que cumpra coa súa responsabilidade en materia de centros de día e dependencia, “en lugar de intentar converter á Deputación no chibo expiatorio da falta de compromiso da Xunta co sistema público de atención ás persoas maiores”.
“O que realmente evidencia esta polémica é que o Partido Popular renuncia unha vez máis a reclamar á Xunta aquilo que é da súa competencia e prefire utilizar ás persoas maiores como arma política. A cidadanía merece rigor, non campañas de desinformación”, conclúen.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
