A iniciativa contou con 75 nenos e nenas en cada unha das quendas e ofreceu durante xullo e agosto unha ampla programación de actividades educativas, deportivas e de lecer
Burela, 28 de agosto de 2026. O Concello de Burela vén de poñer fin a unha nova edición dos campamentos Somos Verán, unha iniciativa que durante os meses de xullo e agosto ofreceu ás nenas e nenos da vila unha alternativa de ocio educativo e de lecer durante as vacacións estivais, contribuíndo tamén a facilitar a conciliación das familias.
Desde o Concello faise unha valoración moi positiva desta edición, tanto pola participación como pola boa acollida entre as familias. Os campamentos desenvolvéronse en quendas de dúas semanas e en cada unha delas participaron 75 nenos e nenas, unha cifra que confirma a consolidación de Somos Verán como unha das propostas estivais de referencia para a infancia en Burela.
Ao longo das diferentes quendas, as persoas participantes puideron gozar dunha programación diversa, pensada para combinar aprendizaxe, convivencia, actividade física e diversión. Entre as propostas realizadas incluíronse actividades vinculadas á Bandeira Azul, saídas e visitas por diferentes puntos de Burela, como parques, praias, o porto, a Confraría ou A Moncloa.
A programación completouse cunha visita a unha panadería, onde as nenas e nenos tiveron a oportunidade de elaborar as súas propias pizzas, ademais de actividades na Casa da Xuventude, obradoiros e manualidades, xogo libre e propostas lúdicas con colchonetas, entre outras iniciativas.
Colaboración co tecido deportivo e asociativo de Burela
Un dos aspectos destacados desta edición foi novamente a implicación de diferentes entidades da vila. Os campamentos contaron coa colaboración do Club de Tenis, o Club de Surf e o Reyco Burela FS, que achegaron ás persoas participantes ás diferentes modalidades deportivas e lles permitiron coñecer de primeira man o traballo que estes clubs desenvolven no municipio.
Desde o Concello de Burela salientan a importancia destas colaboracións, que permiten enriquecer a programación de Somos Verán e, ao mesmo tempo, achegar ás novas xeracións ao tecido asociativo e deportivo local.
O Concello quere agradecer a implicación de todas as persoas, entidades e familias que fixeron posible o éxito dunha nova edición de Somos Verán, cunha mención especial ás monitoras da Aula Medioambiental Gaia, encargadas de desenvolver o programa, así como ao resto do persoal que colaborou e participou ao longo dos diferentes campamentos.
Con esta nova edición, o Concello de Burela reafirma a súa aposta por ofrecer durante o período estival alternativas de ocio de calidade para a infancia, favorecendo a convivencia, o coñecemento da contorna e a participación en actividades educativas, culturais e deportivas.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
