Ribadeo, 30 de novembro de 2018. A XV Edición do Mercado do Nadal de Ribadeo abre as súas portas o próximo xoves, 6 de decembro, ás 11 horas da mañá. Haberá 26 postos no parque de san Francisco nos que se poderán atopar pezas de artesanía, alimentación, decoración ou deseño local, entre outras propostas, “coas que pretendemos espertar o espírito navideño nas rúas de Ribadeo”, segundo manifestou a concelleira de Desenvolvemento Local, Turismo e Comercio. Ana Martínez e o alcalde, Fernando Suárez, presentaron o evento esta mañá no salón de plenos do Concello.
Concebido como un aliciente máis para visitar Ribadeo durante estes días festivos, os 26 expositores instalados no entorno do parque de San Francisco abren as súas portas ata o 9 de decembro en horario de 11.00 a 14.00 horas e de 17.00 a 21.00 horas. “Así, confiamos en que esta iniciativa, de novo, volva arrastrar a veciños e veciñas xunto cos visitantes á vila, e que isto repercuta tamén no comercio e na hostalería da nosa vila”, dixo Ana Martínez.
Nesta 15ª edición do Mercado de Nadal desde o Concello “queremos volver traer as actividades comerciais, artesanía, nas súas diferentes extensións, como cerámica, coiro, alimentación, cervexa artesanal, é dicir un coqueto e delicioso mercado cheo de artesanía, deseño local e mil e unha actividades para poder desfrutar de todo canto nos ofrece Ribadeo”.
Ana Martínez convida a visitar o Mercado do Nadal ribadense: “podedes vir disfrutar non soamente de mercar no Mercado de Nadal e das diferentes actividades, senón de todo o que ofrece Ribadeo durante todas estas datas e durante todo o ano. Temos unha importante oferta de actividades durante estes días, desde as once da mañá ata as dúas da tarde e dende as cinco da tarde ata as nove da noite, como obradoiros para nenxs, música durante todas as xornadas, e diferentes visitas guiadas que se poden consultar na páxina web do Concello e no facebook para apuntarse. Ribadeo vai estar aberto para disfrutar, gozar e mercar durante estes catro días da ponte de Nadal”.
O alcalde, Fernando Suárez, contou que “nesa ponte tamén teremos o acendido do alumeado navideño. Seguramente, nosoutros somos máis humildes que en Vigo, e non nos verán desde Nova York nin desde Tokio, pero estou seguro que imos ser un referente tanto na Mariña como no occidente de Asturias. Seremos unha luz, seremos unha estrela que brilla, en canto a comercio, actividades de lecer e en canto a unha palabra que ligamos sempre tamén a todo o que facemos en Ribadeo que é a cultura, con visitas guiadas desde o punto de vista patrimonial do concello e da vila, do patrimonio relixioso, da heráldica ribadense, da ruta dos comerciantes e de tantas actividades musicais e doutro tipo cultural, que durante estes días van acompañar a esta cantidade importantísima de artesáns que en máis número que nunca van vir a Ribadeo a este Mercado do Nadal”.
O rexedor tamén convida “a todos, aos de aquí, aos de fora e aos de máis aló, que teñan un momentiño para vir, como veñen sempre, ao Mercado do Nadal de Ribadeo e por extensión ao noso concello”.
Obradoiros para os/as máis pequenos/as cheíños de creatividade
Venres 7 de decembro.
17:30. Na carpiña do Mercado haberá obradoiro de bolachas de xenxibre do Nadal a cargo de ConSentidiño.
Domingo 9 de decembro.
12:30h. Na carpiña do Mercado. Obradoiro de decoración de candeas para o Nadal a cargo da Asociación Enfermos Mentais da Mariña.
Visitas guiadas polo noso legado
Venres 7 de decembro.
11:00h. No parque de san Francisco. Visita guiada pola HERÁLDICA RIBADENSE a cargo de Francisco José Campos.
Sábado 8 de decembro.
19:30h. No parque de san Francisco. Visita guiada nocturna pola RUTA DOS COMERCIANTES a cargo de Begoña García López
Domingo 9 de decembro.
11:00h. No parque de san Francisco. Visita guiada polo PATRIMONIO RELIXIOSO de Ribadeo a cargo de Álvaro Lamas e Luis López Sierra.
As visitas terán as prazas limitadas, polo que se deberan inscribir no teléfono: 982 128 689 ou no email: turismo@ribadeo.org
Música
No XV Mercado do Nadal tamén haberá moita música como de Lazy Bonnes, Cosmosoul, Iria Estevez e Gonzo Piña, Los Incorregibles e BatukoTabanka ao longo de toda a ponte.
Desde a Concellería de Desenvolvemento Local, Turismo e Comercio engaden que “se trata dun mercado máis diversificado e representativo desta artesanía para o Nadal, onde todas estas actividades paralelas supoñan un incentivo para visitar Ribadeo, centro de ocio e compras para o Nadal, pois non debemos esquecer a súa repercusión no comercio local”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
