Foz, 7 de decembro de 2018.- O delegado territorial da Xunta en Lugo, José Manuel Balseiro, subliñou hoxe a “importante aposta pola modernización” que realizou Pescados Rubén, unha empresa -sinalou- que “ten un gran peso económico e social” para a comarca da Mariña.
Balseiro visitou a factoría situada en Nois, no municipio de Foz, para comprobar as recentes melloras realizadas, coas que colabora a Consellería do Mar achegando preto de 554.000 euros, pois o proxecto desta empresa lucense foi un dos seleccionados para acceder á liña de axudas convocada pola Xunta nesta materia.
A máis recente actuación supuxo a renovación de instalacións frigoríficas, co que a empresa mellora o proceso de transformación e consigue un notable aforro enerxético, dado que reduce case á metade o tempo necesario para acadar a temperatura óptima do peixe, achegando maior seguridade alimentaria e calidade ao produto final ao tempo que avanza nunha xestión máis sustentable e respectuosa co medio ambiente. Esta é unha das poucas empresas dedicada a esta actividade que dispón de tres liñas de secado e arrefriado de peixe.
O Goberno galego colabora con esta iniciativa a través das axudas da Consellería do Mar para facilitar o desenvolvemento das pemes do sector transformador dos produtos da pesca e a acuicultura. A achega alcanza os 461.000 euros unha vez estea resolta a tramitación do expediente administrativo.
Esta orde ten por obxecto favorecer investimentos que contribúan a fomentar unha pesca e acuicultura sustentables desde unha perspectiva ambiental, socialmente responsable, baseada no coñecemento e competitiva. Para elo, financia intervencións que contribúan a aforrar enerxía ou reducir o impacto no ambiente, incluíndo o tratamento de residuos; melloren a seguridade, a hixiene e a saúde e as condicións de traballo; ou dean lugar a novos e mellores produtos, novos ou mellores procesos ou novos ou mellores sistemas de xestión e organización, entre outros obxectivos.
A Consellería do Mar tamén achegou 92.500 euros a Pescados Rubén para a innovación do sistema de trazabilidade e o desenvolvemento dunha nova liña de produción, neste caso a través do Grupo de Acción Local do Sector Pesqueiro (GALP) A Mariña-Ortegal.
Balseiro destacou que “o sector transformador dos produtos da pesca e da acuicultura é estratéxico no tecido produtivo de Galicia, en concreto en comarcas como a da Mariña”. En referencia a Pescados Rubén, sinalou que “é unha satisfacción comprobar que se consolidan e medran empresas como esta, que teñen un importante peso económico pero tamén un destacado papel social”.
Ao respecto, gabou a implicación desta empresa no tecido social da Mariña, especialmente no plano deportivo. “É sobradamente coñecido o patrocinio de Pescados Rubén ao Burela Fútbol Sala, unha alianza que ven reportando moitas alegrías aos mariñáns e á provincia de Lugo en xeral”, afirmou.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
