O Valadouro 18-12-18. A delegación de cultura do concello de O Valadouro, durante o Nadal, organiza unha serie de actividades para todos os públicos. Comezaron na xornada de onte cunha visita moi agardada polos nenos do Valadouro: a Apalpadora.
Todos os anos por estas datas ven desde os montes do Caurel unha personaxe moi peculiar na cultura galega. Como cada vez é máis demandada en toda a xeografía galega a súa visita e, ante a apretada axenda que posúe, ó concello de O Valadouro mandou en representación á súa filla que ten tamén o seu de oficio de apalpador.
Acto seguido, e para nenos e nenas de 3 a 12 anos ábrese un programa de actividades lúdicas no que ata o día 19 se poden inscribir nas oficinas da Casa da Cultura e que se denomina LUDINADAL. As actividades, nesta edición, desenvolveranse nas instalacións da Casa da Cultura durante os días 26,27 e 28 de decembro de 2018 e 2, 3 e 4 de xaneiro de 2019 en horario de 10:30h a 13:30h. A temática xeral do programa trata sobre valores: familia, paz, compañeirismo, igualdade, interculturalidade, solidariedade,…
O 22 de decembro ás 17:00h, no salón de actos da Casa da Cultura de O Valadouro teremos unha exhibición de zumba con nenos do Valadouro. Esta actividade está organizada pola asociación de Nais e Pais do CEIP Santa María do Valadouro.
O 24 de decembro agárdase a visita oficial de Papá Noel ó Valadouro. En colaboración co motoclub Vald´ouro quéreselle facer unha cálida benvida agardando a súa chegada con motos e disfrazados de “papá Noel” na explanada do parque Concepción Arenal de Ferreira. Despois farase un pasacalle polas principais rúas de Ferreira ata o salón de actos da Casa da Cultura de O Valadouro. Unha vez alí, os nenos poderán falar con el e pedirlle os seus agasallos e desexos así como depositar as súas cartas na caixa de correo. O horario previsto, se a climatoloxía o permite, son as 12:00h. na Casa da Cultura.
Na mañá do 29 de decembro a asociación cultural Amado Lar organiza, co seu alumnado cantos de panxoliñas polas rúas de Ferreira recuperando, deste xeito, unha costume de antaño.
Xa pola tarde, para público familiar, no salón de actos da Casa da Cultura do concello de O Valadouro ás 18:00h e organizado pola Deputación de Lugo dentro do programa Nadal pola Provincia, teremos unha sesión contacontos teatralizado da man de Palimoco teatro co espectáculo: ”Queres que cho conte?”. Como de costume, a entrada é de balde.
Rematarán as actividades de Nadal coa Cabalgata de Reis polas rúas de Ferreira a tarde-noite do día 5 de xaneiro para chegar á recepción oficial que se establecerá no Belén Vivinte ubicado na Casa da Cultura de O Valadouro.
Programa de actividades de Nadal no concello de O Valadouro
Relacionado
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
