Mondoñedo 27-12-18. O BNG presentou un recurso de reposición contra as bases e convocatoria do proceso de selección para a cobertura en réxime de funcionario interino, dunha praza de Dinamizador/a cultural e de turismo para o concello de Mondoñedo.
O BNG local entende que segundo a descrición detallada das tarefas de dinamizador/a cultural e de turismo vixente na RPT do concello estas funcións non son exclusivas para aspirantes coa titulación de Licenciado/a en Historia ou título de Grao en Historia se non que tamén poden ser desenvolvidas por persoas con preparación específica no ámbito da cultura e do turismo, concretamente Grao en Turismo ou equivalente en turismo.
Para o portavoz do BNG no concello de Mondoñedo, Eloi Cabanas, as bases da convocatoria están mal prantexadas xa que, “se queremos contar coas persoas mellor preparadas para desenvolver as funcións recoñecidas na RPT, o normal sería abrir o abano a máis titulacións acordes coa praza”.
Eloi Cabanas espera que se admita o recurso de reposición contra as bases da convocatoria, e que o concello rectifique para que máis aspirantes se podan presentar e se cumpran así os principios de igualdade, mérito e capacidade no acceso á función pública.
O BNG de Mondoñedo presenta recurso de reposición contra as bases da convocatoria dunha praza de dinamizador/a cultural e de turismo
Relacionado
-
A Xunta destaca a importancia da investigación mariña como ferramenta para afrontar os retos do sector marisqueiro
-
O pleno municipal abordará este mércores iniciativas para reforzar a formación, o patrimonio e a calidade de vida en Viveiro
-
O PP provincial pon en valor o papel do CRAEGA no impulso da agricultura ecolóxica en Galicia
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
