Lugo, 16 de xaneiro de 2019. O Vicepresidente e Deputado de Medio Ambiente, Argelio Fernández Queipo, mantivo este mércores un encontro coa Directora Xeral de Patrimonio Natural, Belén do Campo Piñeiro, no que lle presentou á Xunta de Galicia o proxecto Life in Common Land. Trátase dun programa comunitario que lidera a Deputación para desenvolver medidas de aproveitamento sostible na Serra do Xistral, no referente á xestión gandeira e a conservación dos hábitats naturais nos montes comunais. Na reunión participaron tamén representantes das Universidades de Santiago e A Coruña. O programa, que conta coa aprobación inicial da Unión Europea, está dotado de 2 millóns de euros, dos 1,4 son de fondos europeos, 212.000 da Deputación, 198.000 da USC e 100.000 da UdC.
Este pioneiro proxecto da Deputación contempla, como medida principal, que serán os usuarios e propietarios os encargados de aplicar na Serra do Xistral distintas medidas para o aproveitamento sostible deste espazo. Logo, e unha vez avaliados e cumpridos os obxectivos fixados, recibirán compensacións económicas, o que converterá a Deputación na primeira administración en España que premie economicamente as boas prácticas ambientais para a conservación dos hábitats protexidos. Deste xeito, o que se busca é facer fronte ás limitacións de uso e aproveitamento do territorio, que veñen impostas pola normativa vixente, nas zonas de especial protección, como a Serra do Xistral, que é Rede Natura 2000.
Fernández Queipo explicou que se trata do primeiro encontro de traballo entre a Deputación, USC e UdC coa Xunta de Galicia para presentar este proxecto “que beneficiará a todos os axentes implicados e marcará un antes e un despois no aproveitamento sostible do medio natural. Ademais cóntase coa participación directa dos propietarios e usuarios dos montes veciñais en mancomún, algo primordial para un desenvolvemento deste territorio, que garante un equilibrio entre o crecemento económico, o coidado do medio ambiente e o benestar social”.
A Serra do Xistral, que conta cunha extensión de 5.000 hectárea, abrangue os Concellos Abadín, Alfoz, Mondoñedo, Muras, Ourol, O Valadouro, Vilalba, Xermade, Xove, Viveiro e Cervo, ademais das Pontes. Na zona núcleo da Reserva da Biosfera Terras do Miño, e tamén parte do municipio de Viveiro, desenvólvese xa un pastoreo extensivo con gando vacún e cabalar salvaxe. Demostrouse que a súa xestión sostible ten un efecto positivo sobre o mosaico de brezais e turbeiras da zona.
O proxecto
Life in Common Land é unha iniciativa que promove a Deputación, coa colaboración da USC e da UdC, para demostrar que é compatible o desenvolvemento social, económico e sostible de zonas rurais de especial protección, que contan con restricións lexislativas en canto ao seu emprego, aproveitamento ou coidado. O proxecto conta tamén coa participación directa dos propietarios das Comunidades de Montes Veciñais en mancomún na Serra do Xistral.
As zonas de especial protección, como a Serra do Xistral, que é Rede Natura 2000, contemplan certas limitacións de uso e aproveitamento do territorio, que veñen impostas pola normativa vixente. Desde a Deputación, decidiuse elaborar este proxecto para ofrecer solucións a estas limitacións, co fin de garantir a vida no rural e do rural, e para que que redunde na mellora de produción gandeira e forestal, así como na conservación do rural, dotándoo de oportunidades.
Ata 2022, as medidas desta iniciativa están encamiñadas a cumprir os seguintes obxectivos: mellorar a produción gandeira e forestal a través da implantación de modelos de aproveitamento baseados nas experiencias dos usuarios dos montes; axilizar trámites e aspectos administrativos logo de ter establecidos novos esquemas produtivos; conservar o rural e dotalo de oportunidades.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
