Cervo, 18 de xaneiro de 2019. O BNG no apoiou o orzamento municipal de Cervo ao considerar, entre outras razóns, que o alcalde Villares, usa os orzamentos municipais para pagar a campaña electoral do PP mediante partidas opacas sen destino definido, un gasto desproporcionado en propaganda, e a externalización de traballos propios do persoal municipal.
O concelleiro nacionalista, Ibán Sánchez, cualificou os orzamentos municipais para 2019 de continuístas, e advertiu que supoñen unha nova oportunidade perdida de poñer os recursos do concello ao servizo de políticas que muden o ciclo de merma de poboación e fagan atractivo o noso concello para fixar e atraer novos veciños e veciñas como garantía de futuro, nu concello que vai camiño de perder preto de un millar de habitantes desde a cegada do PP ao goberno municipal.
Ibán Sánchez cualificou o goberno de Villares de esgotado, cun alcalde que camiña levado pola inercia, sen ofrecer nada novo que impulse a actividade social e económica do concello. O 2018 remata, e tamén o mandato de Villares como alcalde, con boa parte da poboación das parroquias rurais sen rede de saneamento, noutros casos cun funcionamento lamentábel, e noutros, como en San Cibrao, cunha parte vertendo sen depurar ao mar e outra conectada a unha rede nova con depuadora que nunca chegou a funcionar ben.
O concelleiro nacionalista denunciou que os ingresos aparecen “inflados” e moitos deles recaen sobre a veciñanza mediante impostos. En canto ao gasto, aparecen mais de 330.000€ (o 5% do orzamento) en partidas de “outros gastos diversos” que son opacas e non son admisibles nin xustificables, nin tan sequera dende o punto de vista estritamente técnico. Novamente chaman a atención polo seu excesivo volume as partidas de “propaganda e publicidade” así como as de “atencións protocolarias”.
Outra conclusión que se pode sacar dos orzamentos é que hai moito traballo externalizado, difícil de xustificar tendo en conta o alto e moi cualificado cadro de persoal do Concello. Para Ibán Sánchez, “ou hai un pésimo aproveitamento destes potenciais recursos ou ben un xeneroso afán de contratación de empresas externas, que lle serve ao alcalde para os seus manexos electorais.”
Tampouco se normaliza o reparto de subvencións para asociacións, cultura e deporte cun sistema que sexa máis obxectivábel, cunhas bases e criterios establecidos previamente. Pola contra, mantense o reparto nominativo que pola súa arbitrariedade e discrecionalidade debera ser excepcional. En definitiva moita festa, moito “circo”, para ternos contentos, e pouco proxecto para resolver a caída permanente do censo de poboación, concluíu Ibán Sánchez.
Para o BNG, Cervo perde outra oportunidade para poñer os recursos ao servizo de políticas que muden a perda de poboación constante desde a chegada do PP ao goberrno municipal
Relacionado
-
As alcaldesas de Navia, Coaña e Villayón trasladan a Correos a súa preocupación polos atrasos e reclaman un servizo postal de calidade
-
En marcha as obras de mantemento do aparcadoiro do xulgado de Ortigueira
-
A Deputación inicia a mellora dun novo tramo da estrada provincial que une A Fonsagrada con Navia
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
