OLYMPUS DIGITAL CAMERA
A presidenta dos populares da provincia, Elena Candia, confía de novo en Salgueiro para lograr un Goberno popular no municipio de Xove onde “ten demostrado sobradamente o seu compromiso cos veciños e a súa capacidade de xestión”. Destaca tamén a dirixente popular que “os veciños teñen depositado nel a súa confianza para xestionar o Concello ata en tres ocasións debido á súa cercanía cos xovenses”. De feito, “o actual rexedor popular ten aberta a porta do seu despacho para recoller sempre as propostas que contribúan a mellor este concello mariñán”, segundo manifesta Candia.
Pola súa banda, Demetrio Salgueiro asegura que afronta de novo o reto de lograr a alcaldía de Xove “coa mesma ilusión e ganas de seguir mellorando os servizos e as infraestruturas do municipio”. Neste sentido, avanza a súa vontade de traballo para que “Xove sexa un referente na comarca da Mariña”. De feito, cre que “o noso concello xa é un referente en política social e de servizos aos veciños. Nesa liña, queremos continuar a traballar conxuntamente coas asociacións contribuíndo ao desenvolvemento da súa dinámica actividade”.
O candidato popular preséntase de novo tamén co obxectivo de “continuar a mellorar a calidade de vida dos veciños e veciñas de Xove”. Así, pretende “rematar o acondicionamento das estradas do municipio tanto as de titularidade municipal que dan acceso aos núcleos de poboación de Xove coma as de titularidade provincial para as que temos asinado un convenio coa Deputación para a execución da súa rehabilitación ao longo deste ano 2019”. Salgueiro explica que “queremos continuar tamén a mellorar as infraestruturas culturais e deportivas do municipio”.
Por outra banda, Salgueiro aposta pola creación de emprego. Nese sentido, cre que “debemos potenciar o ambicioso plan de emprego do Concello de Xove co que se favorece a contratación de desempregados xovenses por parte do tecido empresarial”. Igualmente, “é necesaria a ampliación do polígono industrial co mesmo obxectivo de crear emprego”.
Currículo
Demetrio Salgueiro Rapa, economista con ampla formación en fiscalidade e empresas, é empregado do Concello de Burela en excedencia. Tamén é deputado na Corporación da Deputación Provincial.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
