Lugo, 31 de xaneiro de 2019.- A Vicepresidencia e Consellería de Presidencia, Administracións Públicas e Xustiza destinou o pasado ano en Lugo 1.032.100 euros a asumir os gastos da asistencia xurídica de persoas que acreditaron insuficiencia de recursos.
O delegado territorial da Xunta, José Manuel Balseiro, explicou que este servizo pretende “garantir o dereito fundamental de acceso á xustiza de todos os cidadáns, consagrado na Constitución española”.
O Servizo de Xustiza e Administración Local estimou 3.929 solicitudes de persoas que demandaron asistencia xurídica de avogados, procuradores ou peritos ante distintas instancias pola quenda de oficio, na que colaboran os Colexios de Avogados e de Procuradores de Lugo. En concreto, o 85% do orzamento foi destinado á asistencia de letrados, o 9,3% á representación mediante procurador, e o resto á realización de probas periciais.
Na quenda de oficio participan 317 avogados nos nove partidos xudiciais da provincia: O da capital (que con 195 avogados rexistra o 61,5% do total), Viveiro (30 avogados), Mondoñedo (22), Sarria (21), Chantada (17), Monforte de Lemos (15), Vilalba (11), e A Fonsagrada e Becerreá (3 en cada caso). Igualmente, hai 81 procuradores de alta na quenda de oficio, 44 deles en Lugo.
Polo que respecta ás solicitudes tramitadas, o 65% corresponderon á xurisdicción penal, o 27% á civil, e o resto foro litixios nas xurisdiccións social, contencioso-administrativa e de menores.
Balseiro lembrou que de xeito xenérico teñen dereito á asistencia xurídica gratuíta os cidadáns españois, dos Estados membros da Unión Europea e outros estranxeiros que residan legalmente en España, cando acrediten insuficiencia de recursos para litigar.
O delegado subliñou que se trata dunha prestación “prioritaria para o Goberno galego, xa que se trata de facer efectivo o dereito de todos os cidadáns a obter xustiza para os seus dereitos e intereses lexítimos, e ser asistidos por un avogado cando o precisen, sen que a falta de recursos económicos poida dar lugar á indefensión”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
