Lugo, 1 de febreiro de 2019. A Deputada de Promoción Económica e Social, Sonsoles López Izquierdo, mantivo un encontro este venres cos 20 lucenses seleccionados para recibir formación co obradoiro gratuíto de transformación da madeira, que ofrece de xeito totalmente gratuíto a Deputación a través do DesenvolvendORural. Este curso, que comezará o vindeiro luns, dispón de 300 horas de aprendizaxe encamiñadas a dotar aos participantes de competencias xerais e precisas para traballar en empresas de transformación.
O proceso de selección no que se escolleron aos 20 alumnos, realizouse en dúas fases. A primeira delas, consistiu nunha sesión grupal e conxunta na que os aspirantes realizaron un test e coñeceron as características e contidos que se impartirán nesta acción formativa. A selección de candidatos completouse cunha segunda parte na que se realizou unha entrevista persoal a cada un dos aspirantes, co fin de coñecer máis polo miúdo, a súa formación, experiencia e situación.
O obradoiro, que dará comezo a vindeira semana, impartirase por profesionais da Asociación Provincial de Empresarios da 1ª Transformación da Madeira de Lugo e dispón de preto de 4 meses de formación. Os contidos que se abordarán diríxense a dotar aos participantes de competencias xerais para traballar en empresas deste ámbito, tanto a nivel teórico como práctico. Ademais centrarase no aprendizaxe e aproveitamento dos produtos forestais, manexo de equipos, máquinas e ferramentas en condicións de seguridade ou prevención de riscos laborais.
Esta acción formativa, enmárcase na liña de capacitación profesional do DesenvolvendORural, o plan de Deputación de 2,2 millóns de euros que busca xerar emprego e fixar poboación na provincia. En concreto e con esta acción, o Goberno da Deputación busca dar resposta ás demandas das empresas pertencentes a estes eidos: a falta de persoal cualificado en sectores produtivos do ámbito forestal, silvícola e gandeiro. Deste xeito, e en base a esa necesidade real, búscase cumprir con tres obxectivos principais: conseguir un incremento do número de traballadores formados, crear emprego no rural e promover o relevo xeracional deste tipo de explotacións.
Os procesos selectivos dos dous cursos restantes -formación para granxas de leite e carne (Unións Agrarias) e formación básica forestal (ASEFOGA), terán lugar nas vindeiras semanas e resolverase seguindo o mesmo proceso.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
