Lugo, 11 de febreiro de 2018. O da Deputación emitirá en directo, do 13 ao 15 de febreiro, o XII Campionato Internacional de Baristas de Escolas de Hostalería, o VII Campionato Internacional de Catas de Cafés de Escolas de Hostalería e o VII Campionato Internacional de Baristas Profesionais que organiza o IES de Foz. Así o avanzou o Presidente, Darío Campos Conde, no acto de presentación destas xornadas coas que colabora o organismo provincial, no que apuntou que “alumnos de realización, baixo a supervisión de docentes e técnicos, serán os encargados do streaming. Continuamos, por tanto, coa frutífera colaboración que mantiveron durante dez anos a Fundación TIC e instituto mariñán”.
Durante a presentación, Campos Conde estivo acompañado polo director do IES de Foz, Nicolás Asensio, o profesor Marcos Santamaría e os alumnos José Miguel Bodenlle e Francisco José García, que representarán ao centro focense nos Campionatos Internacionais de Baristas e de Catas de Cafés de Escolas de Hostalaría. Eles foron os encargados de preparar unha degustación de cafés, “e de demostrar por que o IES de Foz é un centro de referencia nesta materia, e por que teñen saído del algúns dos mellores profesionais a nivel nacional”, apuntou o responsable provincial.
Proxección nacional e internacional
O Presidente destacou que “a colaboración vai máis aló do ámbito formativo, xa que grazas a esta emisión, daremos proxección nacional e internacional tanto ao Concello de Foz como ás competicións. Debemos ter en conta que este ano participan 13 Escolas de Hostalería de Galicia, Asturias, Cantabria, País Vasco e Castela e León, e 14 profesionais de gran nivel, algúns deles saídos do centro de Foz. Un encontro destas características suscita gran interese no sector”.
Práctica en escenario real
Segundo avanzou Campos Conde, a emisión en directo servirá de práctica nun escenario real aos nosos alumnos de segundo de Realización, que empregarán catro cámaras e rotarán por todos os postos necesarios para unha retransmisión por streaming: operador de cámara, mesa de son, grafismo, fotografía, axudante de realización e realización.
“Terán que vivir os nervios e o estrés do directo, e enfrontarse aos problemas que sempre xorden nunha emisión destas características. É dicir, deberán asumir as mesmas situacións que atoparán cando accedan ao mercado laboral. E este ano, cun novo reto: o cambio de localización, xa que o pavillón é un espazo máis grande que o salón de actos, o que fai necesario unha planificación diferente”.
Tres xornadas de competición
O encontro arranca o mércores ás 17:00 horas coa Final do XII Campionato Internacional de Baristas de Escolas de Hostalería e o VII Campionato Internacional de Cata de Cafés. O xoves comezará as 10:00 horas coa segunda xornada do Campionato de Baristas; ás 13:00 horas haberá unha demostración de coctelería de autor a cargo de Bartender Pernod Ricard. Por último, o venres será a quenda do VII Campionato Internacional de Baristas Profesionais, que dará comezo as 9.00 horas. Ás 14:00, celebrarase O marketing na hostelería, a cargo de Juan Pedro Holgado, Key Account Manager OOH de Lotus Bakeries España. O xoves e o venres, de 9:30 a 13:30, na cafetería de Hostalería e no Pavillón haberá degustación gratuíta de café para todos os que se acheguen ao centro durante os campionatos.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
