Burela, 12 de febreiro de 2019. O concelleiro de Deportes, Ramiro Fernández Rey, participou nunha reunión co presidente e co vicepresidente da Federación Galega de Atletismo e corredores locais para falar da creación dun club de atletismo na localidade. O edil mostrou a súa satisfacción porque en breve poida poñerse en marcha este proxecto.
Ramiro Fernández Rey explicou que “mantivemos unha xuntanza no Concello, que vimos buscando desde fai tempo, co presidente da Federación Galega de Atletismo, Isidoro Hornillos, máis co vicepresidente, Suso Vázquez Tallón, xunto con corredores de Burela que estaban interesados en crear un club de atletismo aquí”.
O edil subliñou que “é un tema co que levamos traballando desde fai tempo. A verdade é que era un obxectivo que nos tíñamos marcado na Delegación de Deportes posto que vemos que os atletas, que están correndo por aí as carreiras populares, alí onde compiten son un referente no atletismo da Mariña. A verdade é que era unha cousa que queríamos que aquí en Burela tamén houbera un club de atletismo que puidera canalizar toda esta xente que está practicando atletismo, que non tiveran que irse a outros clubs ou a outras localidades da Mariña a practicar este deporte”.
O concelleiro de Deportes dixo que “no día de onte demos un paso importante, creo que o paso definitivo para a creación dese club. Desde o Concello xa lles manifestamos na propia reunión que van ter todo o apoio necesario para que este proxecto saia adiante, e xa vimos que hai xente interesada en crear esa directiva. Marcámonos un prazo duns quince días para decidir quen vai formar parte da mesa, e como van ser os primeiros pasos a dar nese novo proxecto”.
Fernández Rey quixo “agradecer enormemente a presenza aquí do presidente da Federación Galega de Atletismo, que tamén mostrou o seu apoio total a este novo proxecto. Xa digo que era un obxectivo que nos tíñamos marcado desde fai tempo, que por fin se deu cumprido, polo cal nos sentimos moi satisfeitos. Na reunión tamén estivo o técnico de deportes do Concello de Burela, Lucas. E quero reiterar que o Concello mostrou todo o seu apoio a esta nova iniciativa, que vai estar aí apoiando a creación deste club. Esperamos que en breve poida ser unha realidade e poidamos converter a Burela nun referente no atletismo de toda a Mariña”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
