Burela 23-2-19. Os pupilos de Juanma Marrube pecharon a Tarde Laranxa ao grande con 5-2 sobre Santiago Futsal, reafirmándose no liderado cos tres puntos irmandiños, nunha vitoria moi traballada, ante un rival esixente en presión e forte en xogo de contacto.
Xa avisaba Hélder por semana. O maior perigo dos composteláns era a estratexia e así conseguiu adiantarse o rival, xa no minuto 3; Everton cazou o despexe de Edu ante unha falta ao bordo da área. O Pescados Rubén Burela FS recuperou táboas no 14, nun penalti de Matamoros. En menos de 30 segundos, Pope tivo tres seguidas de ouro, sen éxito; tentárono Mata e Luisma tamén. Nos mellores minutos dos mariñáns, a falta de 2 para o descanso, Iago Míguez adiantou os da casa, ao segundo pau nunha boa chegada de Lucho. O tándem Iago-Lucho a punto estivo de sorprender ao ex do Pescados Rubén Álex Pérez, segundos despois.
Xestionaron ben os laranxas a súa vantaxe no segundo tempo. Hélder aproveitou o desaxuste defensivo visitante para atopar á perfección a Luisma, só ante Álex Pérez, no 23; o 6 laranxa recibiu e revirouse para sentenciar entre as pernas do meta rival. Os de Santi Valladares conseguiron meterse de novo no partido, co 3-2, no seguinte minuto, nunha falta materializada por Everton pegada ao pau. Matamoros, de falta, e Hélder, en perfecta sintonía con Lucho, a punto estiveron de sorprender a Álex. A Bomboneira subiu o 4-2 para éxtase da Marea Laranxa, nunha falta; Mata deixou pasar o pase de Pope para finalizar maxistralmente Renato ao bordo do ecuador. O meta compostelán de novo, no 31, evitou o quinto ante Iago Míguez a pase de Renato.
Con cinco faltas para os laranxas e máis de catro minutos por diante, Santiago saíu con xogo de cinco e respondeu Pescados Rubén con Matamoros tamén como porteiro xogador. Zequi viu a segunda amarela falta de 1’08”. Tiveron que afrontar o último minuto os de Santi Valladares en inferioridade, co lastre das cinco faltas. A falta de 29 segundos Matamoros completou a faena co 5-2 en dobre penalti.
Ficha técnica
Pescados Rubén Burela FS: Edu, Lucho, Renato, R. Vargas, Hélder, cinco inicial; tamén xogaron Pope, Iago Míguez, Joselito, Luisma, Matamoros, Porto
Real Betis Futsal: Álex Pérez, Christian, Santi, Everton, Dani Blanco, cinco inicial; tamén xogaron Isma, Brian, Zequi, A. Mirás, Lucas, Iago Barro
Goles: 0-1, minuto 3, Everton; 1-1, minuto 14, Matamoros; 2-1, minuto 18, Iago Míguez; 3-1, minuto 23, Luisma; 3-2, minuto 24, Everton; 4-2, minuto 30, Renato; 5-2, minuto 40, Matamoros (d. p.)
Árbitros: Abdulay Ndoho // Sarabia Eguiluz (A Rioxa). Por Burela amarela a R. Vargas (minuto 19), Lucho (minuto 32). Por Santiago amarela a Zequi (minuto 15 e 39), Everton (minuto 19), Christian (minuto 32), Dani Blanco (minuto 32), Santi (minuto 34)
Incidencias: Partido correspondente á xornada 22 de Segunda LNFS disputado en Vista Alegre ante uns 1100 afeccionados/as.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
