BURELA (FNC) .- A tenente de alcalde de Burela, Neves Cando, rexeita as últimas críticas verquidas polos populares sobre a verbena de antroido. A edil nacionalista asegura que ese acto do luns de carnaval se suspendeu como mostra de solidariedade coa xente do mar e como condolencia pola morte ese día do mariñeiro ribeirán do Ficha II, que naufragou a unhas millas da costa luguesa. Neves Cando acusa aos populares de mentir unha vez máis.
A tenente de alcalde burelesa sinala que “unha vez máis non podemos menos que rexeitar desde o equipo de goberno do Concello de Burela a irresponsable actitude do grupo municipal do PP á hora de facer crítica do que sexa, dicindo o que sexa e mentindo todo o que faga falla con tal de negar a evidencia de ter que recoñecer o traballo do equipo de goberno. Esto ven a conto da enésima crítica que os populares fixeron aos orzamentos de 2010. O PP non acepta estar na oposición e recoñecer que o mundo segue a funcionar sen eles no goberno. E non están na realidade do día a día de Burela e por iso descoñecen todo o que se fai no eido dos deportes, do comercio, da cultura, do turismo, da educación, dos servizos sociais…”.
Neves Cando considera que “o PP de Burela fala de oídas e iso ten o perigo de que se mete a pata con moita frecuencia, pero para eles todo vale con tal de criticar e con isto estoume a referir á ultima insinuación do PP sobre a suspensión da verbena de antroido por suposta falta de pago da orquestra. Como para os populares todo vale con tal de criticar nin sequera se molestaron por preguntar por este asunto no último pleno, pero eu voulles explicar todo para que os veciños e veciñas de Burela coñezan aínda máis da caradura política desta xente que representa a oposición na Corporación Municipal. A verbena do luns de antroido foi suspendida esa mesma tarde por decisión do equipo de goberno en sinal de solidariedade coa xente do mar e condolencia pola morte esa xornada do mariñeiro ribeirán do Ficha II, pero eso é algo que o PP non puido saber ni quixo saber porque ese día non fixo nin acto de presenza no porto, algo que nos agardabamos do seu portavoz o señor González Barcia, que xa non vive por aquí. Só a última hora apareceron para facer comparsa da conselleira do Mar que chegou a Burela e aquí sí apareceron dous representantes populares. Pero como todo vale aquí queda esa mentira para tratar de xustificar o inxustificable”.
A edil nacionalista engade que “os señores do PP non teñen razóns obxectivas para criticar os orzamentos municipais de 2010 e buscan as mentiras para enlodar a vida política municipal, porque a realidade é que sacamos adiante uns presupostos austeros, racionais e equilibrados, uns orzamentos que, a pesares da baixada dos ingresos, seguen a apostar por mellorar e ampliar os servizos que ofrecemos aos nosos veciños e veciñas e que, mal que lles pese aos señores do PP, van resultar satisfactorios a nivel económico”. Neves Cando subliña que “a realidade ao final sempre da a razón a quen a ten e deixa en evidencia a quen mente e descualifica sen xeito e esto é o que vai pasar co PP de Burela cando vexa o resultados das contas municipais do ano pasado, do 2009. Despois de todo o que dixeron, criticaron e manipularon van ter que recuar e recoñecer o traballo, a xestión e os logros do equipo de goberno de Burela. E iso sí, se o PP de Burela non se entera diso porque non lle chega a onda nós xa os informaremos para que non metan máis a pata como fixeron coa verbena do antroido”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
