Cervo, 20 de marzo, 2019. O Grupo Provincial do PP presentou unha moción para o seu debate no Pleno da Deputación de Lugo na que pide exixir ao Goberno do Estado á revisión da proposta do estatuto do consumidor electrointensivo por ser prexudicial para a central de Alcoa en San Cibrao e poñer en perigo o seu mantemento.
Ao mesmo tempo exíxenlle ao Goberno do Estado que dea unha resposta viable e efectiva ás necesidades consensuadas coa industria electrointensiva galega para establecer un marco eléctrico estable e un prezo competitivo para este tipo de empresas, coa necesidade de introducir seguridade no sector e permitir que o conxunto das empresas electrointensivas compitan en igualdade de condicións que o resto das factorías a nivel internacional; co obxectivo de que Alcoa manteña a súa actividade e, polo tanto, o emprego na central de San Cibrao.
“Reclamamos que o Goberno do Estado teña un plan serio de traballo, sobre todo nun asunto de tal importancia coma este, tal é como fixo o anterior Goberno do Estado tomando as medidas necesarias, cando xurdiu algunha problemática, para garantir ao mantemento da actividade económica da central de Alcoa en San Cibrao”, remarcan desde o Grupo Provincial do PP. Así, recordan que o propio presidente do Goberno, Mariano Rajoy, mantivo reunións en EEUU para mediar polas fábricas de Alcoa.
Importancia vital para a Mariña
Os populares explican que a planta que a multinacional Alcoa ten en San Cibrao ten unha vital importancia para a realidade socioeconómica da comarca da Mariña, xa que supón un emprego directo duns 1.200 traballadores (sumando as fábricas de aluminio e alúmina) e indirectamente estímase que a economía dunhas 6.000 familias depende deste complexo.
En outubro de 2018 o grupo Alcoa Inespal anunciaba o peche das súas plantas da Coruña e Avilés. Ante esta situación, desde o Grupo Provincial Popular presentamos unha moción relativa ao mantemento da actividade económica e o emprego das centrais de Alcoa en San Cibrao, A Coruña e Avilés”’, que foi aprobada por unanimidade, pola que se acordou, entre outros puntos, “instar ao Goberno do Estado a que se implique e adopte medidas necesarias para que se dea a estabilidade necesaria para que se siga a garantir o mantemento do emprego e a actividade na factoría de San Cibrao”.
Dende outubro de 2018, lonxe de apagar o incendio, as novas medidas propostas polo Goberno do Estado para compensar á gran industria dos elevados gastos eléctricos e, polo tanto, de produción, avivaron o lume. De feito, non son suficientes para igualar os custes cos competidores europeos, explican os populares.
A central de San Cibrao, en perigo
Neste senso, o estatuto do consumidor electrointensivo que propón o Goberno do Estado fixo que Alcoa alerte que a súa central sita en San Cibrao está en perigo. E a proposta non foi ben acollida tampouco polos representantes dos traballadores e as administracións autonómicas asturiana e galega.
Ante este escenario, son sorprendentes e inauditas as declaracións da Ministra de Industria, Comercio e Turismo, Reyes Maroto, nas que afirma que “o estatuto do consumidor electrointensivo, que contén esas medidas compensatorias, dá unha seguridade a Alcoa sobre o prezo da enerxía”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
