No Concello de Cervo rexístranse con mais asiduidade reclamacións por impagos, asegura o BNG

Nota de Prensa

O GOBERNO LOCAL SIGUE ACUMULANDO DEBEDAS COAS EMPRESAS SUBMINISTRADORAS DE MATERIAIS E SERVIZOS

No concello rexístranse cada vez con mais asiduidade reclamacións por impagos que ameazan con acudir á vía xudicial de non abonarse as cantidades pendentes

As reclamacións mais cuantiosas seguen sendo as das compañías de subministro eléctrico que non deberían producirse ao formar parte do gasto corrente

Cervo, 2 de marzo de 2010. O goberno local de Cervo sigue sen abonar as débedas pendentes cos seus provedores de materiais e servizos segundo se desprende de notificacións de débedas por parte de varias empresas provedoras de materiais e servizos. Os nacionalistas denuncian que o goberno local ten as maiores débedas coas empresas subministradoras de enerxía eléctrica a pesar de figurar orzamentadas como gasto corrente, polo que compre preguntarse que fai o goberno local co diñeiro destinado a este fin.

Unha das compañías eléctricas segue reclamando en 2010 os mesmos 200.000 euros que demandaba en 2009.

O BNG denunciou que existen reclamacións económicas que non variaron a súa contía dende 2009 polo que non se abonou cantidade algunha para a súa amortización, para o portavoz municipal nacionalista, Xoán Estúa, “non se entende como un gasto corrente como o consumo eléctrico que está orzamentado non se abona nos prazos que corrresponde e permítese a xeración de intereses de mora”, o nacionalista puxo como exemplo unha reclamación de  201.000 euros presentada no mes de xaneiro que se mantén no mesmo estado dende fai un ano a pesar de non existir nova facturación, polo que practicamente non se abonou nada e a débeda sigue xerando intereses.

Ademais das débedas coas empresas privadas o goberno local acumula débeda tamén con outras administracións

O BNG detectou reclamacións por impagos de compromisos contraídos con múltiples empresas de servizos e materiais, entre os que seguen presentándose figuran bufetes de avogados, medios de comunicación, empresas de subministros de materiais informáticos, mecánicos, subministro eléctrico con varias empresas, etc. A estas hai que engadir que o concello ten pendentes de pago facturas de SOGAMA por mais de  43.000 euros, coa Deputación de Lugo por 130.000 euros acumuladas dende o ano 1999, ademais de 1,8 millóns de euros procedentes das compensacións pola segregación de Burela dos que non se fixo ningún abono e agora o goberno local pretende abrir un novo período de carencia.

Cervo e un concello con recursos orzamentarios mais ten un goberno incapaz de xestionalos con rigor

O nacionalista acusou ao goberno local de crear a imaxe de que Cervo e un concello moroso e incapaz de xestionar un volume orzamentario que para si quixeran outros que contan con moitos menos ingresos, Estúa cualificou de inxusta a intención do goberno local de facer pagar aos veciños e veciñas  as consecuencias da súa nefasta xestión económica, o portavoz nacionalista fixo mención ao Plano Económico-Financeiro aprobado no último pleno polo PP en solitario que incrementa os impostos e taxas municipais ate os límites fixados por lei e recorta as axudas a asociacións e colectivos sociais; mentres tanto, o concello ten dereitos pendentes de cobro por 4,4 millóns de euros.