Burela 3A0-3-19. Vixésimo segunda vitoria das Guerreiras chega con brillo laranxa no derbi irmandiño. O Pescados Rubén Burela FS marcou o ritmo, a eficacia e os goles fronte un Poio Pescamar FSF (5-1) con máis corazón ca cabeza que nunca se atopou cómodo na pista de Vista Alegre. As pupilas de Julio Delgado e Lucas romperon o partido ao comezo do segundo acto, co 3-0, que conseguiron ampliar ata o 5-0, co gol do honra das visitantes na recta final.
O primeiro aviso foi laranxa, aos 51 segundos de xogo, con Jenny á contra. Responderon as de Dani Díaz cunha presión alta; no minuto 2, Lara Balseiro tivo que retirarse tras unha tentativa de despexe marchándose ao chan cunha rival riba. Dany adiantou as mariñás no minuto 7, cunha perfecta definición a pase de Bea Mateos, en recuperación tras unha forte entrada de Lidi. A escasos segundos a 3 burelista volveu poñer en apertos a rede visitante. Antes de cumprirse o ecuador do primeiro acto, Jenny non puido culminar ante a gardameta internacional, tras regate de Peque. Liquidou entón ben Jozi unha dobre tentativa do Poio, evitando o que podería ser o empate. Cilene puido festexar o seu regreso a Vista Alegre, logo dos seus problemas físicos, co segundo, que subiu ao luminoso no minuto 13, nunha xogada elaborada, que lle serviu Peque, desde Dany. O Pescados Rubén mantivo a súa renda nunha recta final moi incisiva do Poio, co dobre despexe de Popó.
Peque, no regreso ao parqué, subiu o terceiro, no 23, nun erro de pase das visitantes que tocou en Jenny para pasarlla a internacional española. Daniella Sousa, fronte a Jozi, estivo a piques de reducir distancias rozando o 27. Acto seguido, a Lara Balseiro escapóuselle por pouco o cuarto. Foi a por todas o conxunto de Dani Díaz con xogo de cinco, pero o a fortuna caeu do lado local, con Jozi a porta baleira (minuto 29); a brasileira pouco despois volveu facer acto de presenza fronte á ex das burelistas Ceci para manter infranqueable a rede. Intentárono unha e outra vez as visitantes con porteira xogadora, ante a orde defensiva e solvencia baixo paus. O 5-0 subiu con selo de calidade da Mariña; Lara Balseiro anotou de novo a porta baleira, no 37, en recuperación de Dany. O Poio tan só puido atopar o gol a falta de 52 segundos en balón parado, fronte á barreira.
Ficha técnica
Pescados Rubén Burela FS: Jozi, Peque, Jenny, Lara Balseiro, Luci, cinco inicial; tamén xogaron Dany, Popó, Bea Mateos, Alves, Cami, Cilene,
Poio Pescamar FSF: Silvia, Ale de Paz, Jenni Lores, Jessi, Dani, cinco inicial; tamén xogaron Ceci, Carol, Lidi, Irene
Goles: 1-0, minuto 7, Dany; 2-0, minuto 13, Cilene; 3-0, minuto 23, Peque; 4-0, minuto 29, Jozi; 5-0, minuto 37, Lara Balseiro; 5-1, minuto 40, Ale de Paz
Árbitros: Novoa García // Cid Bragado (Galicia). Por Burela amarela a Popó (minuto 19), Dany (minuto 25), Luci (minuto 35). Por Poio amarela a Ceci (minuto 2), Carol (minuto 30)
Incidencias: Partido correspondente á xornada 23 de Primeira RFEF Liga Foro 16 Feminismo disputado en Vista Alegre ante preto de 500 persoas. O Pescados Rubén Burela FS saltou á pista coa camiseta de Cristina para mandarlle unha mensaxe de apoio na súa recuperación, pola súa lesión de xeonllo: ¡Ánimo Torito!
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
