Mondoñedo, 12 de abril de 2019.- A Xunta de Galicia colabora coa Mancomunidade de Municipios da Mariña na tradución ao castelán, inglés e francés das audioguías turísticas dos tres concellos que son porta da entrada ao xeodestino: Mondoñedo, Ribadeo e Viveiro.
As audioguías ofrecen un paseo polos principais puntos de interese de cada municipio e foron presentadas hoxe na Casa Museo de Álvaro Cunqueiro en Mondoñedo, nun acto no que participaron o delegado territorial da Xunta en Lugo, José Manuel Balseiro, a alcaldesa do municipio, Elena Candia, e o presidente da Mancomunidade, Alfredo Llano, entre outros.
Balseiro explicou que este proxecto finánciase con cargo ao convenio que subscribe coa Mancomunidade o Goberno galego a través de Turismo de Galicia, polo que achega 160.000 euros para accións de promoción turística da comarca.
Afirmou que as audioguías poderán descargarse gratuitamente na web da Mancomunidade, e “mellorarán a experiencia do turista máis esixente, que se interesa polo patrimonio e a cultura”. Ademais, o concello de Mondoñedo prestará dende hoxe mesmo dispositivos mp3 e cascos illantes aos visitantes que o desexen tanto na Catedral como na Casa Museo de Ávaro Cunqueiro.
O delegado indicou que esta medida completa un recurso que xa existía pero só en galego, “para que chegue a máis xente, porque a maioría das persoas que nos visitan domina algún dos idiomas nos que se ofrecen”.
O delegado instou a expandir esta iniciativa, incorporando aos outros concellos da Mancomunidade e facilitando audioguías en lugares sinalados ou ben información sobre as posibilidades de descarga nos dispositivos móbiles particulares.
No acto de hoxe tamén se presentou o material promocional deste produto, folletos e carteis para as oficinas de turismo. Para poder ampliar información, escoitar e descargar gratuitamente as audioguías habilitouse unha sección na web da Mariña lucense.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
