NOTA DE PRENSA
O Bloque informa e o PP desenténdese
O Bloque Nacionalista Galego de Xove organizou esta pasada fin de semana un acto público e aberto co obxecto de explicar a afectación do Plan de Ordenación do Litoral no Concello de Xove. A esta convocatoria asistiron veciños das parroquias máis afectadas: Xuances, Portocelo, Morás e Lago.
Marco López, responsábel local do BNG, e mais César Mosqueira, concelleiro de Urbanismo e Ordenación do Territorio de Pontevedra, expuxeron polo miúdo as particularidades dun Plan do Litoral que entra en contradición co PXOM aprobado inicialmente coas aportacións do grupo municipal do BNG.
O responsábel da formación nacionalista en Xove iniciou o acto manifestando que quen debería estar alí explicando en que afecta o POL ás propiedades privadas da veciñanza debería ser a Administración Local, e continuou afirmando que a razón desta ausencia de explicacións por parte do equipo de goberno municipal débese á teima dos populares de “poñer por diante o interese de partido antes que o interese xeral”. López cualificou esta actitude de “pecado capital” para un xestor público.
Marco López asegurou que o grupo municipal do BNG xa leva tempo traballando na busca dunha solución ou, cando menos, en que a afectación sexa menor. O nacionalista insistiu na posibilidade de sacar adiante a aprobación definicita do PXOM de Xove e, deste xeito, poder realizar alegacións ao Plan do Litoral cunha norma municipal como base.
Por outra banda, César Mosqueira apoiou as súas explicacións en imaxes proxectadas coas que debullou a costa xovense. O experto asegurou que, desde un punto de vista técnico, o Plan do Litoral aféctalle a solo considerado urbanizábel polo Concello e que non ten en conta asentamentos tradicionais como o de Portocelo. Nesta liña, Mosqueira incidiu en que a norma deixa fóra de ordenación centos de vivendas que están dentro da influencia das esaxeradas áreas de protección e de mellora ambiental, chegando ao extremo de impedir usos residenciais “nunha superficie de 200 metros a un lado e outro de simples regatos”.
Finalmente, César Mosqueira quixo rematar poñendo en coñecemento dos veciños que a Lei do Litoral “non ten nin pés nin cabeza”, e que prohibe ou limita o uso residencial en zonas consolidadas de toda a vida, “incluso moi por riba dos 1000 metros terra adentro”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
