Nota de Prensa
O BNG da Mariña estará presente na manifestación convocada pola CIG en Lugo mañá mércores
Os nacionalistas mariñaos participarán na mobilización en Lugo do “Día da Clase Obreira Galega”
Os nacionalistas fan un chamamento á participación para evitar que unha vez mais sexan os menos favorecidos os que paguen os efectos da crise
O BNG comparten coa CIG o lema de que o emprego, os salarios, as pensións deféndense loitando
A Mariña, 9 de marzo de 2010. O BNG da Mariña acudirá á mobilización convocada pola CIG mañá mércores ás 20.00hrs. co gallo da celebración do “Día da Clase Obreira Galega”, nesta ocasión baixo o lema de que “o emprego, os salarios e as pensións deféndense loitando”. Os nacionalistas fan un chamamento á participación e poñen a disposición autobuses que se poden reservar no tlf. 982140654.
Para o BNG os anuncios feitos públicos polo goberno do Estado de dar outra volta de rosca aos sectores sociais que con maior crueza están a sufrir a crise mediante a anunciada reforma laboral ou a reforma das pensións, contrasta coa man tendida que o mesmo goberno apoiado polo Partido Popular, ofreceu á banca coa inxección de millóns de euros que non serviron para dinamizar a economía productiva e o emprego e só valeron para salvar da bancarrota aos principais responsábeis da situación actual.
Na mesma liña dende o BNG acusaron ao goberno galego de pasividade e ausencia de iniciativas de cara a dispoñer medidas que afronten a dura situación de desemprego que están a padecer moitas familias. Os nacionalistas lembraron que Feijoo prometeu na súa campaña electoral rematar coa crise en 140 días, nunha actitude demagóxica e moi lonxe da realidade que hoxe temos no país.
Os nacionalistas mariñaos compartirán coa CIG a manifestación de mañá mércores para demandar tanto do goberno do Estado como do Goberno Galego solucións á situación de crise que estamos a vivir que muden a actual situación e eviten que outra volta sexan os e as asalariadas e as clases menos favorecidas quen paguen os pratos rotos dun modelo económico que nos levou a esta situación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
