Viveiro 17-6-19. Este segundo posto na competición autonómica foi logrado polo conxunto benxamín, conformado polas ximnastas Ruth Palmeiro, Adriana Pérez, Icía Lage, Ángela Martínez, Martina Collazo e Icía Mariño.
As viveirenses actuaron o domingo, a última hora do serán, sobre o tapiz disposto para a ocasión no Pavillón dos Remedios. O magnífico exercicio executado polo equipo da Mariña na cidade das Burgas consolídao entre a elite galega da súa categoría. Este mesmo conxunto xa se alzou o pasado ano coa medalla de bronce no campionato Escolar prebenxamín organizado en Marín (Pontevedra), logrando así o pase directo ao nivel de Promoción no que continúan a colleitar abondosos éxitos na actualidade.
Hai menos dun mes, estas mesmas ximnastas conseguían subir ao primeiro caixón do podio na competición provincial de Lugo, celebrada en dúas fases entre as vilas de Foz e Monforte. Nesta ocasión as benxaminas de Viveiro proclamáronse campioas ao quedaren por diante do Club Quicela monfortino e mais da Asociación Deportiva Aixa de Sarria.
No torneo galego deste domingo as viveirenses foron superadas unicamente polo Club Pavillón Ourense, sendo o bronce para o Club Milenium da Coruña. Esta medalla de prata das de Viveiro ábrelles a porta dun novo ascenso, desta volta ao nivel de Base, dende onde poderán optar a participar no campionato español que terá lugar en Pamplona-Iruñea no mes de novembro.
O vindeiro venres día 21 de xuño, a partir das 17h15, as subcampioas galegas participarán na exhibición final de curso xunto ao resto das súas compañeiras do Club Ximnasia Viveiro. O pavillón Antonio Tarrío acollerá este evento de peche da tempada no que tamén intervirá o conxunto alevín, que obtivo un meritorio oitavo posto nunha das categorías máis competidas do campionato autonómico de Ourense.
O Club Ximnasia Viveiro fíxose coa medalla de prata no campionato de Promoción celebrado en Ourense nesta pasada fin de semana
Relacionado
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
