Viveiro, 19 de xuño de 2019.- O delegado territorial da Xunta en Lugo, José Manuel Balseiro, salientou este mércores que a Administración autonómica “aposta polo turismo activo como valor engadido para a oferta da comarca da Mariña”, no transcurso dunha visita ao parque de aventuras Roq Park de Viveiro, unha iniciativa innovadora que contou co apoio do goberno galego para a súa posta en marcha.
O novo espazo de lecer está emprazado nunha contorna natural próxima á área recreativa de San Roque e é o primeiro parque de aventuras ao aire libre que está en marcha na provincia de Lugo.
O proxecto naceu froito da colaboración dunha empresa local dedicada a actividades deportivas e de multiaventura e a comunidade de montes de San Roque. Segundo apuntou Balseiro, contou co respaldo do Instituto Galego de Promoción Económica (Igape), que aporta 65.000 euros a través da liña axudas do programa Galicia Rural Emprende.
A convocatoria destas achegas é anual, polo que o delegado animou a todas as persoas emprendedoras ou con intención de ampliar o seu negocio a informarse na Xunta. Son subvencionables os proxectos dirixidos á creación de emprego nas zonas rurais mediante axudas á primeira implantación e desenvolvemento de novas actividades económicas non agrarias. As axudas poden ser de entre 20.000 e 70.000 euros, segundo diversos factores e a contía do investimento realizado.
O novo parque de turismo activo abrirá as súas portas ao público en xeral en poucas semanas. Polo momento, recibe a grupos previa reserva, como aconteceu esta mañá con estudantes do colexio Vista Alegre de Burela. Os visitantes poderán participar en circuítos entre as árbores con pasarelas e tirolesas, dúas delas cunha altura de entre 95 e 115 metros. As actividades están dirixidas a maiores e pequenos.
Balseiro gabou a iniciativa e salientou que representa un bo exemplo dos obxectivos do programa de axudas impulsado polo Igape, que busca apoiar aos emprendedores e emprendedoras “como axentes dinamizadores das economías locais”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
