Mondoñedo, 19 de xuño de 2019. O Concello de Mondoñedo conta xa co Plan Municipal de prevención e defensa contra os incendios forestais. O documento será aprobado nos vindeiros días, antes de expoñelo ao público. Tras a exposición, será aprobado de xeito definitivo, previo informe da Dirección Xeral de Montes. A rexedora, Elena Candia, avanza que farán visitas polas parroquias para dalo a coñecer e exporán o documento nos locais sociais, ademais de no consistorio.
O obxectivo principal deste Plan Municipal, en cumprimento do establecido na Lei 3/2007, é a definición da rede de faixas secundarias de xestión de biomasa, formadas por un conxunto de parcelas lineais do territorio estratexicamente localizadas, e garantir o control e a eliminación total ou parcial da biomasa forestal mediante técnicas silvícolas axeitadas coa fin principal de reducir o risco de incendio e protexer a seguridade das persoas.
O obxectivo descrito concrétase nunha serie de accións sobre o territorio que buscan organizar a xestión da biomasa en zonas estratéxicas, especialmente aquelas declaradas de alto risco de incendio, unido á construción e mantemento de faixas exteriores de protección de zonas poboadas, o tratamento de áreas forestais nun esquema de intervención segundo modelos silvícolas previamente establecidos no ámbito da defensa de persoas e bens e a defensa dos montes.
Mondoñedo non está declarado zona de alto risco
O Plan Especial de Protección Civil ante Emerxencias por Incendios Forestais na Comunidade Autónoma de Galicia (PEIFOGA) indica que o índice de risco potencial para o Concello é alto, pero non está declarado como zona de alto risco. No período 2088-2017 o Concello presenta unha media de 1,80 incendios/ano e 1,91 hectáreas/ano queimadas. O número de incendios forestais foi de 18, queimando un total de 19,11 hectáreas; 3,31 arboradas e 15,80 rasas. No Concello de Mondoñedo non hai declarada ningunha parroquia de alta actividade incendiaria segundo o PLADIGA 2019.
O plan establece as medidas a tomar para a xestión da biomasa, a definición das redes secundarias de faixas, perimetral ao solo urbano, núcleo rural e urbanizable e arredor das edificación destinadas ás persoas, vivendas illadas, urbanizacións, depósitos de lixo, cámpings, gasolineiras e parques e instalacións industriais situadas a menos de 400 metros do monte e arredor das edificacións illadas destinadas ás persoas. Tamén medidas para a xestión da biomasa en pistas, vías, camiños e estradas de titularidade municipal, así como nos montes municipais.
Obrigas dos propietarios
Todas as persoas propietarias teñen a obriga de manter limpos de maleza os terreos arredor das súas vivendas para previr incendios, así como gardar unha certa distancia ás plantacións forestais. Aínda que a normativa autonómica é moito máis ampla os casos máis habituais son:
Fóra de solo urbano ou rural, establécese a distancia de 15 metros con edificacións, vivendas illadas, urbanizacións, depósitos de lixo, parques e instalacións industriais no caso de que se empreguen especies de frondosas caducifolias, e de 50 metros no resto de especies.
En solo urbano, solo de núcleo rural e solo urbanizable delimitado, a distancia será de 2 metros cando se empreguen as especies de frondosas caducifolias, e 50 metros no resto de especies.
É obriga do propietario manter limpa esta zona antes do 31 de maio de cada ano.
Consellos para mellorar a protección da nosa casa
-Manter unha franxa totalmente libre de vexetación e de restos vexetais de polo menos 2 metros arredor das fachadas e de 10 metros libres de árbores.
-Na leira ou xardín, favorecer a descontinuidade vertical e horizontal do combustible vexetal, mantendo as árbores e arbustos separados suficientemente e podados ata 3,5 metros de altura.
-Manter os alboios de leña separados da vivenda. Os silos de biomasa forestal estarán en recintos illados, protexidos e ventilados.
-Os depósitos de combustibles líquidos e gasosos estarán en recintos protexidos e ventilados.
-Coidado coa cheminea. Cómpre protexela para evitar que entren na casa faíscas ardendo.
-Limpar os tellados e canlóns de follas, ramallada e outros restos vexetais que poidan arder.
-Ter unha mangueira de rega flexible e longa de sobras que dea para rodear a casa.
-Dispor de extintores polivalentes en garaxe, cociña e sobrados.
-Evitar os peches estremeiros sintéticos e as mallas de ocultación vexetais.
-No xardín e sebes perimetrais empregar preferentemente arbustos de folla verde todo o ano.
-As parrillas serán preferentemente de obra e estarán rodeadas por unha devesa de 3 metros.
-As queimas de restos vexetais ou forestais amoreados en terreos agrícolas ou forestais están suxeitas a comunicación ou autorización de queima. Están prohibidas en épocas de perigo alto de incendio.
-Buscade alternativas ao uso do lume e, en caso de empregalo, extremade as precaucións e facelo en épocas e zonas permitidas.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
