Lugo, 20 de xuño de 2019. O Deputado de Turismo en funcións, Eduardo Vidal Baamonde, e o Presidente da Asociación Provincial de Hostaleiros de Lugo, Cheché Real presentaron este xoves, no salón de actos da Deputación, as xornadas Exaltacións Gastronómicas…E Para Comer Lugo correspondentes ao mes de xuño. Estas degustacións gastronómicas terán lugar, entre os días 21 e 30 deste mes, en 50 establecementos de hostalaría de 23 concellos da provincia.
A merluza do pincho de Burela, o cordeiro de raza ovella galega e a castaña de Galicia serán os produtos protagonistas do presente mes. Cociñados baixo diferentes estilos, estes ingredientes serán introducidos nos menús dos restaurantes que participan neste programa de promoción gastronómica da provincia E para comer…Lugo.
Na provincia de Lugo véndese máis do 70% da merluza do pincho fresca que se comercializa en toda Galicia. Os ingresos por primeira venta desta especie “raiña” de Burela ascenderon a uns 44 millóns de euros no 2018. Burela é o principal porto galego comercializador de merluza do pincho, que se captura con anzois seguindo as artes da pesca artesanal. Esta actividade, supón un altísimo impacto para o desenvolvemento económico e social desta localidade, para toda a comarca da Mariña lucense e para a provincia en xeral.
Respecto a raza Ovella Galega, existen preto de 35 ganderías desta raza. A provincia de Lugo conta case co 40%, sobre 1.100 reprodutoras, do censo da raza Ovella Galega. A venda dos cordeiros para autoconsumo e restauración constitúe unha importante fonte de ingresos para este sector. O prezo medio do quilo desta carne ascende a 10 euros. O incremento dos censos e ganderías ao longo destes últimos anos traduciuse nun importante impacto económico vital para a recuperación desta raza, que conta cada vez con mais peso, e que contribúe ao fortalecemento do sector rural.
En canto ao sector das castañas, en Galicia comercialízanse entre 15.000 e 20.000 toneladas cada ano, en función da temporada. Isto supón un volume de negocio de entre 30 e 45 millóns de euros ao ano para o sector produtor que se eleva a máis de 100 millóns de euros no sector transformador e comercializador.
As Exaltacións Gastronómicas promocionan os sectores produtivos da provincia
O propósito destas xornadas é dinamizar o sector servizos e desestacionalizar o consumo dos produtos coa fin de darlles continuidade fóra das épocas de produción. Vidal Baamonde destacou “coa campaña Exaltacións Gastronómicas que promovemos coa Asociación de Hostalaría de Lugo APEHL, fomentamos o turismo gastronómico na provincia, cada vez máis en alza. Con esta iniciativa poñemos en valor tamén a excelente calidade da gastronomía lucense a través da degustación de produtos acreditados cos selos de Indicación Xeográfica Protexida (IXP), de Denominación de Orixe (DOP), e de Raza Autóctona con selo de calidade que teñan representación na provincia. Ademais de apoiar aos nosos produtores tamén contribuímos a dinamizar o sector servizos da provincia xerando riqueza económica”.
No acto de presentación das Exaltacións Gastronómicas do mes de xuño participaron tamén representantes dos produtos e materias primas da provincia con denominación de orixe protexida (D.O.P) ou indicación xeográfica protexida (IXP), así como de asociacións e empresas con presenza na provincia. Na presentación participaron o xerente de ABSA Bonito e Pescada do Pincho de Burela, Miguel Neira, a representante de ASOVEGA Ovella Galega, Silvia Adán Belmonte, o técnico da IXP Castaña de Galicia, Jesús Salgado, o Presidente do Consello Regulador DO Ribeira Sacra, Jose Manuel Rodríguez, o Presidente de AFAPAN, Cesar Fieiras Pérez e a responsable de comunicación de Galletas da Veiga, Patricia Vior Lanza.
Calendario de Exaltacións Gastronómicas
Cada mes realizaranse estas xornadas gastronómicas exaltando diferentes produtos da provincia. Cada unha terá unha duración de 10 días, comezando en venres e estendéndose ata o último domingo de cada mes. A derradeira xornada do 2019 será en novembro. Os locais de hostalería participantes incluirán nas súas cartas pratos que conteñan os alimentos seleccionados en cada mes. Na web da Deputación www.deputacionlugo.gal e en www.eparacomerlugo.com pódese consultar os restaurantes participantes, as datas e os produtos que se exaltan cada mes.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
