LUGO .- Dentro das actividade programadas pola iniciativa Km0 da Deputación , nestes días 55 veciños de Monterroso desprazáronse ata A Mariña, onde visitaron a lonxa e o barco boniteiro de Burela, ademais do mirador do Castelo. Pola súa banda, os 48 estudantes da cidade do Cabe elexiron Ribadeo como destino da súa ruta. No municipio mariñano, visitaron o mosteiro das Clarisas e fixeron unha travesía marítima pola ría.
O mércores, 24 integrantes de COGAMI descantaranse polo Concello de Viveiro Para visitar a igrexa de Santa María do Campo, a Muralla e a porta de Carlos V, a praia de Covas e o monte de San Roque.
O xoves, 24 membros da Asociación de Veciños “Reanem As Anzas” de Ribadeo visitarán o Mazo de Santa Comba e a Ribeira Sacra. Na zona sur da provincia, farán a ruta de sendeirismo ata Pena do Castelo e un percorrido em catamarán por Amandi. Completarán a ruta cunha degustación na adega Regina Viarium. Ese mesmo dia, 55 integrantes da Asociación “Terras de Friolfe” do Páramo e 24 solicitantes individuais optarán pola Mariña e pola Ribeira Sacra, respectivamente.
Nota de Prensa
Fernando Romay e o Leite Río Breogán promocionan
o Camiño Francés con Km0 a Compostela
– Coa presenza de personalidades carismáticas do deporte e da vida social galega e nacional, a Deputación impulsa as rutas Xacobeas luguesas, o tempo que potencia a economía e o turismo a través do deporte e da multiaventura
– A Mariña, a Ribeira Racra e Lugo centro, destinos esta semana das sete rutas organizadas por Km0
O ex-xogador de baloncesto galego, Fernando Romay, e o plantel do Leite Río Breogán, farán o domingo, 21 de marzo, un treito do Camiño Francés, ó seu paso polo Concello de Monterroso, dentro do programa Km0 a Compostela co que o organismo provincial se converteu na primeira administración cunha programación estable previa ó Xacobeo. Trátase da segunda ruta que organiza a Deputación dentro deste programa no que xa participou a pasada fin de semana a prestixiosa alpinista, Chus Lago, e ó que se sumarán outras personidades relevantes do deporte e da vida social galega e española, como é o caso do ex-pívot do Real Madrid.
Coa presenza de personaxes carismáticos como Romay ou o equipo de baloncesto da capital, o organismo provincial pretende impulsar a economía provincial, promocionar as rutas Xacobeas luguesas, e fomentar o turismo a través do deporte e da multiaventura, xa que o Ano Santo é unha extraordinaria oportunidade para xerar riqueza en Lugo e en todos os Concellos polos que pasa o Camiño.
Romay foi internacional coa selección española ata en 174 ocasións e formou parte do mítico equipo español co que conquistou a medalla de prata nos xogos olímpicos dos Ánxeles en 1984. Ademais de Romay e o plantel do equipo de baloncesto lugués, outros deportistas como a alpinista Chus Lago e colectivos como a Sociedade Española do Corazon –SEC-, os directores de medios de comunicación de Galicia, os campións nacionais de rallye, Sergio Vallejo e Luis Moya, ou autoridades como o Presidente de Cantabria, Miguel Ángel Revilla, fixeron o Camiño de Santiago en Lugo dentro deste programa.
Outras rutas para esta semana
O Deputado de Cooperación cos Concellos, Antonio Gato Soengas, recibiu este martes a un grupo do Clube de Petanca (Monterroso) e a outro da ANPA CEIP “A Gándara” (Monforte de Lemos) dentro de Km0. En total, participarán 278 persoas nas sete rutas organizadas polo organismo provincial para esta semana.
Os 55 veciños de Monterroso desprazáronse ata A Mariña, onde visitaron a lonxa e o barco boniteiro de Burela, ademais do mirador do Castelo. Previamente, coñeceron o centro de produción de programas da Fundación TIC. Pola súa banda, os 48 estudantes da cidade do Cabe elexiron Ribadeo como destino da súa ruta. Logo de seren recibidos no Pazo de San Marcos, percorreron o Centro de Artesanía e Deseño. No municipio mariñano, visitaron o mosteiro das Clarisas e fixeron unha travesía marítima pola ría.
O mércores, 48 estudantes do primeiro ciclo de primaria do CEIP Frei Luis de Granada de Sarria visitarán o Centro de Interprestación do río Miño, a igrexa de Santa Eulalia de Bóveda, a Muralla e a Catedral de Lugo. Asimesmo, 24 integrantes de COGAMI descantaranse polo Concello de Viveiro. Antes de desprazarse ata a costa luguesa, percorrerán o CENTRAD para logo visitar a igrexa de Santa María do Campo, a Muralla e a porta de Carlos V, a praia de Covas e o monte de San Roque.
Finalmente, o xoves, 24 membros da Asociación de Veciños “Reanem As Anzas” de Ribadeo visitarán o Mazo de Santa Comba e a Ribeira Sacra. Na zona sur da provincia, farán a ruta de sendeirismo ata Pena do Castelo e un percorrido em catamarán por Amandi. Completarán a ruta cunha degustación na adega Regina Viarium. Ese mesmo dia, 55 integrantes da Asociación “Terras de Friolfe” do Páramo e 24 solicitantes individuais optarán pola Mariña e pola Ribeira Sacra, respectivamente.
No primeiro caso, coñecerán o centro de cultivos marinos, o mosteiro das Clarisas e o casco histórico ribadense. Tamén farán unha travesía marítima pola ría. O grupo de solicitantes individuais visitará o CENTRAD e farán un percorrido en catamarán por Amandi, ademais da ruta a pé ata Pena do Castelo. O itinerario tamén inclúe unha degustación na adega Regina Viarium.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
