dav
Ribadeo, 24 de xullo de 2019. Os gañadores absolutos, masculino e feminino, da terceira edición da carreira nocturna Rinlo-Ribadeo levarán de premio 3 quilos de percebes. A proba, que se celebrará o 24 de agosto, foi presentada no salón de plenos do Concello ribadense polo concelleiro de Deportes, Jorge Díaz Freije, e catro membros do organizador do evento, o Club Atletismo Ribadeo: Arxi García Gómez, Rocío Díaz Mesa, Marta Fernández Díaz e Ana María Ferradás Barrera.
Desde a organización explican que “a edición deste ano terá un carácter emotivo e solidario xa que se invitará a gozar do atletismo baixo o lema Sempre vivas e libres, co que queremos homenaxear a todos os grupos sociais que sofren a violencia, facendo fincapé nas mulleres, que son as máis vulnerables desta lacra na que estamos inmersos nos nosos días. Debemos denunciar e afastar da sociedade aos modelos que invitan a monstruosidades de comportamentos dalgúns seres”.
O evento contará con probas para os máis cativos desde as 20:00 horas, con distancias dende 60 metros até 600 metros para as categorías dende pitufos até alevíns, que se desenvolverán no parque de San Francisco. Para as categorías infantil e cadete a distancia será de 2.500 metros, con saída ás 21:30 horas desde a Illa Pancha e chegada na Casa do Concello de Ribadeo.
Os organizadores tamén comentaron que “a proba absoluta discorrerá pola costa, vencellando as fermosas vistas de Rinlo e Ribadeo sobre un circuíto de 8,7 quilómetros, totalmente de asfalto, con saída na praza de Santa Catalina, de Rinlo, e chegada diante do pazo do Marqués de Sargadelos, en Ribadeo”.
A organización ofrecerá servizo de gardarroupa e transporte en autobús dende Ribadeo até Rinlo a partir das 20:00 horas.
Haberá premios para todas as categorías e cabe destacar que os vencedores absolutos, tanto feminino como masculino, recibirán un lote de 3 quilos de percebes. E, como novidade, hai un premio económico para o atleta que mellore e marque un novo récord da proba, que na actualidade ostenta o burelés Simón González, cun tempo de 29 minutos e 10 segundos, e en mulleres a pontenovesa Ana Margaride, con 34 minutos e 58 segundos.
A tod@s @s atletas da proba absoluta entregaráselles un frontal de balde e tod@s @s participantes no evento recibirán unha bolsa do corredor con avituallamento sólido e líquido, unha camiseta conmemorativa e agasallos diversos, como unha entrada de balde para brincar en familia no Parque Recreativo Laberinto Costa Mariña, de Rinlo.
A organización quere amosar o seu agradecemento ao Concello de Ribadeo polo apoio e compromiso pleno coa III Carreira Nocturna Rinlo-Ribadeo e a todos os patrocinadores do evento pola súa inestimable colaboración.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
