LUGO .- Un estudo da Deputación revela que as profesións sociosanitarias, hostalería e turismo, industria manufactureira e medioambiental como novas oportunidades de negocio con futuro en Lugo. A Deputación ultima formación para parados neses sectores.
Nota de Prensa
A Deputación detecta os traballos con máis futuro en Lugo e ultima formación para parados neses sectores
– O INLUDES rematou a 1ª fase do Pacto Provincial polo Emprego, dotado con 3,4 millóns de euros, e que inclúe unha ampla diagnose da situación laboral e do emprego na provincia
– O estudo coincide co Plan Estratéxico ó revelar que as profesións sociosanitarias, hostalería e turismo, industria manufactureira e medioambiental, son sen dúbida os novos nichos de emprego
– A Deputación ultima un ambicioso programa de formación dirixido a parados co fin de crear emprego estable onde realmente hai futuro
O Presidente da Deputación, José Ramón Gómez Besteiro, participou este xoves no segundo almorzo con xóvenes empresarios, organizado por AJE Lugo e que se desenvolveu no edificio administrativo da Xunta. No encontro, Gómez Besteiro anunciou que o Instituto de Desenvolvemento Económico e Social (INLUDES) iniciará um ambicioso programa de formación nos campos laborais onde realmente hai futuro, dirixido a persoas en paro. O programa baséase na ampla análise e diagnose da situación laboral e do emprego na provincia, dentro do programa europeo Pacto Provincial polo Emprego, que está dotado con 3,4 millóns de euros.
O titular provincial, quen a vindeira semana lles fará chegar ós integrantes de AJE unha copia da diagnose, explicou que a análise detecta os principais nichos de emprego da provincia. Aínda que a diagnose profundiza en todos os sectores, en resume as novas oportunidades de negocio son: área social e sociosanitaria, hostalería e turismo, industria manufactureira e área forestal e medioambiental. Neste senso, Gómez Besteiro, subliñou que “son as áreas nas que actuaremos e que coinciden cos resultados do Plan Estratéxico. En breve presentaremos as accións formativas nestes campos para contribuir á creación de novos postos de traballo onde realmente hai futuro. Por exemplo, na área sociosanitaria, a través de SUPLUSA investiremos 20 millóns de euros na construción de dotacións sociais nos municipios lucenses, co que: frearemos o despoboamento no rural, prestaremos atención á terceira idade e estas construcións revertirán economicamente nos concellos onde se asenten”.
No almorzo tamén participaron a Concelleira de Economía, Sonia Méndez, e a Delegada Territorial da Xunta, Ramón Arias, así como 25 representantes de empresas do sector das telecomunicacións, construción, medio ambiente e enerxías renovables, sociedade da información ou hostalería.
Esta iniciativa enmárcase dentro do programa de actividades que está a levar a cabo a Asociación e que está dirixido ós mozos empresarios co fin de fomentar a cultura emprendedora en Galicia en xeral e na provincia de Lugo en particular. Con esta xuntanza multisectorial, a AJE busca estimular o crecemento económico da provincia. Esta xornada tamén permite ós empresarios ampliar os seus contactos con novos proveedores e clientes, conseguindo abrir novas vías de negocio.
Os autónomos e as PEMES, base da economía de Lugo
Segundo a diagnose realizada pola Deputación, os autónomos seguen sendo os que sustentan a economía da provincia. En base ós últimos datos rexistrados no terceiro trimestre de 2009, o paro acada os 16.062 parados, sendo o sector máis afectado o da construción cun 18,3% dos parados.
Na provincia existen 6.600 autónomos, que representan o 65% da base empresarial de Lugo. Por sectores, estes distribúense do seguinte xeito: comercio 3.098; hostalería 1.590; industria manufactureira 810; actividades culturais e deportivas 557; construción: 221; transporte: 109; e o resto: agricultura, enerxía eléctrica, educación, actividades sanitarias.
Gómez Besteiro lembrou que dende 2008 a Deputación investiu preto de 1,5 millóns euros, en axudas para este colectivo, convértendose na 1ª administración provincial que subvenciona os seus gastos correntes e lles axuda a manter o seu negocio. Neste senso, tamén apuntou que a través do programa Lugo Compite máis –que esgotou as súas prazas en menos de tres días-, o organismo provincial ofrece asesoramento ás PEMES da provincia co obxectivo de facelas máis competitivas.
Asimesmo, tal e como reflicte o estudo, só un 0,14% das empresas factura máis de 60.000.000 euros ó ano. A maior parte, un 71,75% está nos 300.000 anuais.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
