Ribadeo, 29 de agosto de 2019. O Mercado dos Domingos renderalle homenaxe ao tomate o 1 de setembro. Haberá degustación deste produto da horta e tamén música, entre outras actividades.
O concelleiro de Desenvolvemento Local, Pablo Vizoso, explicou que “o Mercado dos Domingos de Ribadeo quere continuar apostando pola alimentación saudable, sostible e polo produto de proximidade e nesta ocasión quere dedicarlle un día ao tomate. Ese produto do que existen moitas expresións coma Toma Tomate ou Aquí hai tomate e que deixa constancia da enorme popularidade deste produto, base culinaria de moitas das nosas receitas e que no verán está no seu máximo esplendor”.
O edil ribadense contou que “o 1 de setembro o Mercado dos Domingos acollerá a celebración de Toma Tomate, na que ademais da venda directa dos produtores e produtoras que cada domingo acoden ao mercado haberá diversidade de actividades nas que o tomate será o protagonista. Así desde primeira hora poderemos gozar cunha mostra das diferentes variedades do tomate. ás 11:30 horas dará comezo dentro do espazo Experiencias do Mercado unha actividade que denominamos Cociña&Tomate: Viaxe á historia do tomate & Degustación. E tamén teremos música en directo con Vudú a partir das 12:30 horas”.
O Mercado dos Domingos de Ribadeo renderalle homenaxe ao tomate o 1 de setembro. Haberá degustación deste produto da horta e tamén música, entre outras actividades
-
-
SeguinteEste domingo é o derradeiro día da 5ª Feira do Libro de Burela. Ás 21:30 horas, antes do concerto do grupo Crooner 432 que pechará esta edición, terá lugar o sorteo presencial dun lote de libros e dunha cesta de peixe doada por Armadores de Burela entre todos os que mercaron algún exemplar desde o venres
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
