SANTIAGO .- A conselleira de Sanidade, Pilar Farjas Abadía, asegurou hoxe ante o Pleno do Parlamento que a Xunta vai achegar 1,5 millóns de euros á mellora das infraestruturas e do funcionamento do Hospital da Costa, en Burela. Así sinalou que está en execución a reforma da planta de tocoxinecoloxía, cun investimento de preto de 900.000 euros, e xa se publicou a licitación da reforma da cuberta e rampla, ampliación da unidade de farmacia e arquivo, por importe de 615.400 euros.
Farjas Abadía afirmou que se están a cumprir os compromisos de realización destas obras, con modificacións que melloran os proxectos iniciais, e que contan coas achegas dos profesionais, aos que definiu como protagonistas fundamentais no funcionamento do hospital e na atención que reciben os pacientes.
A conselleira explicou que o traballo no hospital se desenvolve con normalidade, xa que o seu rendemento cirúrxico chega case ao 71% -o seu obxectivo para 2010 é superar o 75%- e, no tocante ás listas de espera, os pacientes máis graves -prioridade 1- esperan unha media de 15 días para ser operados, un dos mellores datos da Comunidade.
Ademais, nas iniciativas de mellora de funcionamento e organización do sistema que se recollen no acordo de xestión, está previsto que no primeiro semestre se implanten dúas vías rápidas -de cancro colo-rectal e cancro da área de otorrino (ORL)-, e o proceso asistencial integrado de insuficiencia cardíaca, o que permitirá mellorar a atención aos pacientes afectados por estas patoloxías.
Así mesmo, a atención urxente e os traslados intrahospitalarios mellorarán ao dotar á área da Mariña cunha ambulancia medicalizada, que entrará en funcionamento no verán. “En definitiva, apostamos por potenciar o hospital da Costa, pois queremos solucionar os problemas de saúde dos mariñáns o máis cerca posible, e da forma máis resolutiva posible”, concluíu.
Recoñecemento do 061
Doutra banda, Pilar Farjas fixo referencia á obtención por parte da Fundación Pública Urxencias Sanitarias de Galicia 061 do Selo de Excelencia 200+ da Fundación Europea para a Calidade na Xestión (EFQM), o que supón un recoñecemento da posta en marcha de diversos procesos que repercuten tanto na xestión dos recursos como na calidade asistencial prestada a toda a poboación galega.
Segundo explicou, os obxectivos cara o futuro desta entidade están baseados no seu sistema de xestión de calidade, no principio de mellora continua e na consideración do usuario como centro e obxectivo de toda a súa actividade asistencial.
Así, os seus principais proxectos son a optimización e reorganización do sistema de asistencia e transporte sanitario urxente na Comunidade; a implementación dun programa de atención ao paciente en idade pediátrica; a potenciación do papel da enfermaría dentro da Fundación; a consolidación desta como centro docente de posgrao e inicio de traballo co pregrao; a creación dunha rede de centros de simulación baixo a coordinación xeral da Escola Galega de Administración Sanitaria; e o desenvolvemento do plan de calidade do 061.
“En definitiva, toda unha serie de proxectos encamiñados a mellorar e modernizar o funcionamento e a xestión da Fundación Urxencias Sanitarias de Galicia 061, co obxectivo permanente de atender mellor ás necesidades das persoas, dos nosos cidadáns”, resumiu.
Detección Precoz de Cancro de Mama
Por último, a conselleira respondeu a unha pregunta sobre o Programa Galego de Detección Precoz de Cancro de Mama. Sobre el, destacou a súa alta participación –superior ao 80%- e lembrou que se iniciou en 1992 e desde 2005 mantén en funcionamento 13 unidades de exploración, das que 4 son móbiles.
Estas, explicou, presentan algunhas dificultades, xa que non teñen sala de espera nin condicións de intimidade para as mulleres atendidas; existen nelas barreiras arquitectónicas para persoas con dificultades de mobilidade; amosan un custo elevado de mantemento e un número de avarías maior; a súa xestión provoca tempos sen traballo polos traslados e a necesidade do reaxuste de equipos; e existe unha imposibilidade de traballar con conexión en rede coa aplicación informática do Programa, como se fai no resto das unidades.
Doutra banda, as propias unidades móbiles están a punto de completar a súa vida útil, xa que levan en funcionamento entre 14 e 16 anos. A isto hai que engadir a necesidade inmediata de cambio á tecnoloxía dixital para o cal son necesarios unha serie de requisitos técnicos que non cumpren.
“Porque estamos convencidos de que se poden mellorar as taxas de participación, é polo que estamos a abordar un cambio substancial na operativa do Programa Galego de Detección Precoz do Cancro de Mama”, afirmou Pilar Farjas.
Neste senso, a Dirección Xeral de Saúde Pública e Planificación da Consellería e a Xerencia do Sergas están a traballar na substitución dos mamógrafos por mamógrafos dixitais e na implantación do programa de detección precoz de cancro de mama nos hospitais comarcais reforzando este servizo e aumentando a capacidade asistencial e de xestión destes hospitais. Así, no prazo de tempo máis breve posible se tomarán as medidas oportunas que fagan ao Programa gañar en calidade de servizo, e que se terían que ter afrontado hai tempo posto que as dificultades que expuxen eran ben coñecidas polo anterior equipo da Consellería.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
