A Mariña, 4 de outubro de 2019. A Mancomunidade de Concellos da Mariña abordou, no pleno celebrado esta semana, a conta xeral, a presenza dos Concellos mariñáns na vindeira edición de Fitur, o reparto de contedores de lixo e o programa integrado de emprego. O presidente, Alfredo LLano, subliñou a boa xestión económica que se realizou estes anos, xa que a entidade conta cun remanente de 200.000 euros, e tamén o traballo feito para lograr a inserción laboral da terceira parte dos participantes no programa de emprego que remata a finais de outubro.
Llano sinalou que “aprobamos a conta xeral. Hai que dicir que foi todo positivo. Realmente estase xestionando ben a economía da cal disfrutamos e que non é moita, soamente hai que dicir que a Mancomunidade depende das subvencións que lle dá a Xunta, que lle dá a Deputación e o aporte dos Concellos, dos dezaseis que conformamos a Mancomunidade, cada Concello fai un aporte en función dos habitantes. Con todo fomos facendo fronte ao que se organizou este ano, que non foi pouco. Nestes anos foise tendo un aforro, temos un remanente importante duns 200.000 euros que imos procurar darlle saída para beneficiar ao conxunto dos Concellos”.
O presidente da Mancomunidade explicou que “tamén demos un repaso aos temas de turismo porque xa ven Fitur aí, está enseguida, para mirar cuestións que nos poden interesar a todos levar a esta feira de Madrid. Ademais estivemos vendo como funciona a recollida de aceites, como o está utilizando a xente e a cantidade de contedores que temos nos diferentes Concellos”.
Llano subliñou que “estivemos falando do plan integrado de emprego, que este ano foi un éxito, e vai rematar o 31 de outubro. Tivemos sempre a 100 persoas en diferentes cursos e estamos en camiño de lograr a inserción laboral, durante un mínimo de tres meses de 35 persoas, que iso é realmente un éxito, se o logramos ao cen por cen. Penso que fixemos unha boa labor a través da Mancomunidade para axudar á inserción laboral destas persoas e é a nosa idea seguir traballando neste sentido porque consideramos que estamos facendo unha labor social importante”.
O presidente da Mancomunidade contou que “tamén falamos dos contedores para os que se solicitou unha subvención da que nos deron o 65% e estivemos vendo cantos lle corresponden a cada Concello e de que tipo. Agora, durante este mes, xa están comezando a entregarse estes contedores e pensamos que é un aforro importante que ademais se complementa para o material dun servizo tan importante como é a recollida de lixo”.
Alfredo Llano manifestou que “agora esperaremos á constitución dos membros da nova Mancomunidade, que será conformada aproximadamente para o mes de decembro, unha vez que se repitan as eleccións municipais nunha mesa en Burela”.
A Mancomunidade da Mariña abordou, no último pleno, a conta xeral, o reparto de contedores de lixo, o plan integrado de emprego e a presencia dos concellos mariñáns en Fitur
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
