Burela, 5 de outubro, 2019. O Pescados Rubén Burela FS cumpriu sen erro na cuarta xornada para manter o pleno, con outro triunfo claro, con 1-5 sobre o Cidade das Burgas. Tras a vantaxe inicial de 0-2 das Guerreiras Laranxas, as ourensás puideron achegarse sobre o descanso. Na segunda parte, co xogo de cinco, as mariñás atoparon no marcador o reflexo merecido ao seu dominio, control e superioridade.
Jane estreou o luminoso no minuto 6, ao recoller unha tentativa de Dany. Antes Luci puxera a proba a rede ourensá desde saque de esquina. Peque, por partida dobre, Ale de Paz e Dany dispuxeron de grandes ocasións para ampliar as distancias, pero non foi ata o minuto 13 cando chegou o segundo das laranxas nun bo entendemento entre Ale e Dany, en contragolpe. Luci apostou polo terceiro, sen éxito, nun par de ocasións. A falta de 37 segundos para a conclusión do primeiro acto, o Cidade reduciu con 1-2, tras saque de banda.
Bea Mateos capitaneou o xogo de cinco no minuto 27 en busca de ampliar a fenda. Así, Peque selou o 1-3, nun grande entendemento con Cilene no 29. O conxunto mariñán conseguiu facer dano coa súa circulación rápida e presión abafadora. A falta de catro para a bucina final, Peque volveu facer acto de presenza na materialización nunha incursión de Ale de Paz que Jenny Lores cedeulle á 7 burelista para sentenciar. Dany anotou o 1-5 definitivo no minuto 39, en colaboración con Jane, ante unha porteira adiantada e superando as intencións de defensa local por freala.
Ficha técnica
Cidade das Burgas: Ana Lastra, Clara, María Arias, Nahir, Amelia, cinco inicial; tamén xogaron Sonia, Natalia, Aroa, Canolich, María López
Pescados Rubén Burela FS: Jozi, Dany, Cilene, Bea Mateos, Ale de Paz, cinco inicial; tamén xogaron Jane, Lara Balseiro, Luci, Jenny Lores, Peque, Jenny
Goles: 0-1, minuto 6, Jane; 0-2, minuto 13, Dany; 1-2, minuto 20, Amelia; 1-3, minuto 29, Peque; 1-4, minuto 36, Peque; 1-5, minuto 39, Dany
Árbitros: Muñoz García // Vanegas Betancur (Asturias). Por Burela amarela para Peque (minuto 28), Jenny Lores (minuto 30)
Incidencias: Partido correspondente á xornada 4 de Primeira RFEF disputado nos Remedios de Ourense
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
