A Mariña, 7 de outubro, 2019. A presión exercida sobre o Goberno central polos traballadores e diversas forzas, con especial liderado do PP de Lugo, foi o que fixo que a ministra de Industria, Reyes Maroto, decidise finalmente visitar as instalacións de Alcoa-San Cibrao. Deste xeito, poderá comprobar in situ á urxencia de que o Goberno adopte as medidas políticas precisas para garantir estas plantas, que xogan un papel decisivo na economía da comarca da Mariña, en concreto, e da provincia, en xeral.
No PP, ao igual que os traballadores de Alcoa-San Cibrao, esperan que a ministra traia mañá propostas concretas, as medidas políticas necesarias, que só pode adoptar o Goberno do que forma parte, co fin de establecer un marco tarifario para a enerxía eléctrica que permita a Alcoa competir en pé de igualdade con industrias do seu entorno. Os populares destacan que sería moi frustrante para a sociedade lucense, e revelador do que pode esperar Lugo do Goberno, que a responsable do Ministerio de Industria chegase a Alcoa-San Cibrao sen verdadeiras solucións e só con parches, con pretendidas vías alternativas que non serían garantía de nada». En todo caso, o PP di que a ministra debe saber que non vai parar ata conseguir verdadeiras solucións para unha industria tan necesaria para a provincia de Lugo como é Alcoa.
Alcoa-San Cibrao representa o 30% do produto interior bruto da provincia e da emprego directo a 1.100 persoas e, de xeito indirecto, a varios miles máis. O PP confía en que a ministra entenda con claridade canto representa esta industria para A Mariña, en concreto, e para Lugo en xeral, de modo que o Goberno adopte con urxencia as medidas que só el pode adoptar. A visita de mañá ten que aportar as solucións que Alcoa necesita para garantir o seu futuro.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
