NOTA DE PRENSA
A Xunta bipartita non presentou ningunha oferta “con buzón ou sen buzón” no momento en que se coñeceu que a empresa ENCE estudaba trasladar as súas operacións ao porto do Musel en Xixón
BALSEIRO AMOSA O MÁXIMO APOIO DO PPdeG ÁS XESTIÓNS DA XUNTA PARA QUE SE MANTEÑA A ACTIVIDADE DE ENCE EN MIRASOL E SUBLIÑA OS MESES PERDIDOS POLO BIPARTITO NESTA CUESTIÓN
* “Nós non imos á guerra con ninguén” –explicou Balseiro- “o que facemos desde o PPdeG é defender os intereses de Galicia e da Mariña lucense, igual que o Principado o fai de Asturias”
* O PP pide a FEVE e a FOMENTO (PSOE) “o mesmo grado de implicación con Ribadeo” que o previsto co porto de Xixón onde executarán investimentos millonarios.
Santiago, 25 de marzo de 2010.- O voceiro do Mar do Grupo Parlamentario Popular, Jose Manuel Balseiro Orol, amosou o seu total apoio á iniciativa do Ente Público Portos de Galicia –dependente da Consellería do Mar- quen adoptou a iniciativa de presentar una oferta en defensa da continuidade da actividade da empresa ENCE no porto de Mirasol (Ribadeo).
Balseiro valorou moi positivamente o ofrecemento feito pola Xunta á empresa papeleira que a día de hoxe opera desde este porto galego e que pasa por mobilizar preto de catro millóns de euros de recursos autonómicos a favor de Mirasol, con actuacións que inclúen desde a redución de taxas portuarias a melloras diversas nas infraestruturas existentes.
EN DEFENSA DOS NOSOS INTERESES
O voceiro popular insistiu que o único que fan desde a Xunta e desde o PPdeG é defender os intereses de Galicia e da Mariña lucense, e do preto de millar de empregos que directa e indirectamente están relacionados coa actividade portuaria de Ribadeo, ao igual que o Principado mira polos intereses de Asturias. “Nós non imos á guerra con ninguén”-concluíu Balseiro- de feito salientou que os efectos positivos da presenza de ENCE en Mirasol, benefician por igual á Mariña oriental e aos concellos asturianos limítrofes coa ría de Ribadeo.
MESES PERDIDOS POLO BIPARTITO
O voceiro do Mar do Grupo Popular non quixo esquecer que aínda que se coñece desde fai anos que a empresa ENCE tiña sobre a mesa a “alternativa asturiana” non foi ata que chegou un Goberno do Partido Popular cando se adoptou unha iniciativa de “contraofensiva”, como nesta caso foi a oferta dos actuais responsables de Portos de Galicia. Polo tanto coa Xunta bipartita perdéronse meses, incluso anos, que puideran resultar de vital importancia na defensa da permanencia desta actividade estratéxica.
“O bipartito non presentou ningunha oferta, con buzón ou sen buzón, no momento en que se coñeceu que a empresa ENCE estudaba trasladar as súas operacións ao porto do Musel en Xixón”- replicoulle Balseiro ao socialista Ismael Rego- a quen lle acusou de “parecer máis un parlamentario de Asturias, que un deputado galego, pola tibieza na defensa do noso porto”
APOIO DE FEVE E FOMENTO
Balseiro está convencido de que “Fomento e FEVE (PSOE) non está a colaborar con Galicia igual que co Principado de Asturias” e desexa que, dado que o departamento ministerial está presidido por un ministro galego, Jose Blanco, e porque ademais supón unha decisión responsable de equilibrio territorial, sexan capaces de desenvolver polo menos “o mesmo nivel de colaboración con Galicia que o feito co Principado”. O voceiro do Mar do PPdeG referiuse expresamente á colaboración de FEVE para a instalación dunha área de carga de descarga no polígono industrial de Ribadeo, e dun acceso directo pola circunvalación desta vila ata o porto de Mirasol.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
