Lugo, 15 de outubro, 2019. O Partido Popular manifesta o seu apoio rotundo ás demandas dos transportistas e dos traballadores de Endesa, co fin de que o Goberno Central rectifique a súa postura e garanta a actividade industrial da fábrica e os traballos directos e indirectos que sostén. A voceira do PP na Deputación, Elena Candia, e o seu homólogo en Vilalba e deputado provincial, Agustín Baamonde, adiantaron que esta formación, a diferenza da Deputación, non se puxo de perfil respecto deste asunto; de aí a solicitude do Pleno Extraordinario celebrado hoxe. Ademais, tal e como anunciaron, o propio Baamonde acompañará aos transportistas na concentración que está prevista diante do ministerio.
E é que, apuntou Candia, “estamos nunha situación extraordinaria e quizais no peor momento dos últimos anos”. Tal é así que a popular considera “que temos que falar alto e claro e non todos os grupos políticos temos a mesma responsabilidade. Están tocadas estruturas industriais que xeran moito emprego, polo que temos a obriga de pedir que non se xogue desta forma coa familias que viven desta fábrica, da que moitas son da Terra Chá”, manifestou.
A demanda dos populares resposta á petición realizada en días pasados polos propios afectados nunha xuntanza mantida en Vilalba. Concretamente, ao seu xuízo, o Goberno, dirixido nestes momentos polo Partido Socialista, “está poñendo en serio perigo moitos empregos nesta comarca e tamén na Mariña coa situación de Alcoa”.
Agustín Baamonde engadiu que é moita a xente da zona que traballa nas Pontes. “Os transportistas do carbón teñen unha relación de interdependencia económica coa Terra Chá, polo que o peche de Endesa sería unha catástrofe”. Por este motivo, explicou que non foi posible a declaración institucional. “Presentamos a iniciativa pola desidia do goberno da Deputación e mentras os acaldes se manifestaban, a Deputación púxose de perfil. Unha declación non pode sustituir un debate político en ningún caso, o que non quita de que poida haber acordo no Pleno dos grupos”, indicou.
Elena Candia, en alusión aos afectados de Endesa e de Alcoa, deixou claro que “este Partido está do seu lado”, adiantando que, ao igual que participaron na concentración de Xove, estarán tamén mañá en Cervo. “É un mecanismo para facernos oír en Madrid. Temos que facelos rectificar, xa que o prexuízo pode ser moi grande”, concluíu.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
