Lugo, 25 de Outubro de 2019. O Presidente da Deputación, José Tomé, defendeu a necesidade dunha Autoridade Portuaria propia para Lugo e anunciou que o Grupo Socialista levará ao Pleno ordinario do vindeiro martes, 29 de outubro, unha moción que reclama ao Goberno central, no momento no que teña as competencias plenas despois das eleccións, a creación para o porto de San Cibrao dun organismo de xestión independente.
Así llo trasladou o Presidente ao secretario xeral da Confederación de Empresarios de Lugo (CEL), Jaime López, e ao presidente da Federación de Asociacións de Veciños de Lugo, Jesús Vázquez, cos que mantivo unha reunión este venres co fin de unir esforzos na necesidade de dotar ao porto de San Cibrao de Autoridade Portuaria propia. Esta reclamación evidencia que, ao contrario que outros representantes institucionais, “nós poñemos os intereses da provincia por riba de calquera interese partidista”, subliñou Tomé.
O mandatario provincial sostivo que Lugo é a única provincia marítima do Estado cun porto de interese xeral que non ten autoridade propia e que “é o momento de retomar esta demanda e rematar así cunha anomalía do sistema portuario español”. O Presidente lembrou tamén que hai 17 anos que Lugo foi declarada provincia marítima, a condición imprescindible para poder crear unha Autoridade Portuaria propia, logo dunha reclamación expresada xa polo Partido Socialista no 2002.
Segundo recalcou José Tomé, a infraestrutura “non está xestionada a día de hoxe en clave territorial, o que melloraría a súa implicación co entorno e permitiría estudar novas posibilidades económicas”.
Pola súa banda, o secretario xeral da CEL, Jaime López, puxo en valor “a valentía e o compromiso do Presidente da Deputación de Lugo para levar adiante esta moción, que é o recoñecemento e o apoio claro a esta iniciativa que é histórica e da que depende o futuro de Lugo”. O presidente da Federación de Asociacións de Veciños de Lugo, Jesús Vázquez, valorou a actitude de Tomé por antepoñer os intereses da provincia ás cores políticas, “vamos a loitar con todo tipo de accións, como fixemos sempre, para sacar adiante esta iniciativa”.
Consciente dos efectos da globalización na economía, Tomé apuntou que “precisamente porque hai cada vez máis factores que escapan ao noso control, non podemos renunciar a xestionar con criterio propio aqueles activos económicos que si son nosos, como o porto de San Cibrao”. O Presidente apelou á lealdade institucional e recalcou que “este non é un reproche cara a xestión da actual autoridade portuaria de Ferrol-San Cibrao”. Abriu a porta a colaboracións futuras, pero remachou que Lugo quere facelo “en pé de igualdade co resto de portos de interese xeral do Estado, non desde esta sorte de minoría de idade tutelada que temos”. A infraestrutura responde as características dun porto de interese xeral polas súas actividades marítimas internacionais e o volume do seu tráfico.
Tomé tamén se lembrou de Alcoa e deixou claro que “esta reclamación non afecta en absoluto ao uso prioritario do porto por parte da empresa”. A actual concesión á empresa de aluminio vence no ano 2023 e o dirixente apelou a que dende as administracións do Estado e da Xunta se leven adiante medidas para garantir a permanencia da firma en Cervo durante moitos anos. Iso si, desexou que a renegociación da concesión se leve a cabo “dende unha autoridade portuaria independente, que planifique o futuro pensando no mellor para Lugo”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
