A Mariña, 25 de outubro, 2019. O deputado autonómico, Daniel Vega, amósase sorprendido polas críticas dos responsables provinciais e locais do PSOE aos Orzamentos que a Xunta de Galicia destina á Mariña en 2020. Neste senso, tilda de “papelón” as manifestacións realizadas nos últimos días polos “gardaespaldas de Pedro Sánchez” que, novamente, “saen á palestra para intentar confundir aos veciños”.
O popular fai esta aseveración porque as cifras “cantan por si soas e as actuacións tamén”. É o caso, di a modo de exemplo, as partidas previstas para seguir mellorando o Hospital, a execución da VAC da Costa, a xestión do Centro de Investigación da Mariña ou a construción do segundo martelo do porto de Burela, entre outras.
Por todo elo, o popular considera que “os dirixentes sanchistas” deben “dar un paso atrás e pedir incluso desculpas polas súas críticas”. Sobre todo, engade, porque o investimento previsto supón “unha inxección económica por cada veciño moi importante”.
“Creo se trata dun dato que no debe de pasar desapercibido nun momento, ademais, no que o Partido Socialista está a levar á Mariña á peor crise que tivo coa situación de Alcoa. Os feitos dan e quitan razóns, e o datos aportan credibilidade. A realidade é que a Xunta arroupa continuamente aos mariñaos, véxase a proposta de estatuto presentada polo presidente Feijóo, e o PSOE o único que fai é darnos bofetadas”, remarca.
O deputado do PP maniféstase así “moi decepcionado coa actitude do socialistas, que teñen máis de sociolistos que de socialistas”, sobre todo, cando no último presuposto do bipartito, A Mariña recibiu da Xunta de Galicia case 3,5 millóns de euros menos con respecto ao exercicio anterior. Esta disminución aínda foi máis superior se se compara coa do último ano do PP no Goberno galego. En 2005 o investimento da Xunta xa fora de 149 euros máis por habitante que o do “matrimonio fracasado que formaran naquel entón o PSOE e o BNG”.
A Xunta, “a aliada da nosa comarca”
Daniel Vega conclúe que “as palabras lévaas o vento, pero as cifras non”. “A realidade é tozuda, e a realidade é que a Xunta de Galicia, ademais das partidas anunciadas, o Goberno de Feijóo soporta ao 100% o mantemento dos servizos sanitarios, dos colexios, dos xulgados, etc. É dicir, a Xunta de Galicia é con diferencia á aliada da nosa comarca. É a administración que máis inviste na nosa zona con diferencia”, sentencia.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
