Lugo, 4 de novembro. Galicia en Común esixiralle ao Goberno do Estado a dotación dun novo xulgado do social para Lugo que evite a excesiva demora que padecen os traballadores e traballadoras, asi como un xulgado exclusivo de Violencia sobre a Muller que dea unha resposta contundente, eficiente e especializada ante esta lacra incesante que nos sacude como sociedade
“É absolutamente imprescindible para a nosa provincia o poder contar cun xulgado do social e outro específico e exclusivo para a Violencia sobre a Muller”, reclamou este luns Vanessa Somoza, candidata de Galicia en Común pola provincia de Lugo. “Mais alá das boas palabras e das declaracións de intencións, hai que responder cos feitos e poñer os medios físicos que respondan as necesidades da cidadanía de Lugo”, manifestaba Somoza a porta dos xulgados.
“Esixíremoslle ao Goberno que dote a Lugo dun xulgado específico para a violencia sobre a muller e a dotación económica dun Plan Estatal de loita contra as violencias machistas”, reiterou. “Hai que rematar dunha vez por todas coa impunidade de casos como o Operación Carioca, o maior caso de prostitución, trata e tráfico de persoas para o que seguimos a insistir en que en que tanto a Xunta como o Concello de Lugo se teñen que persoar como acusación popular e reclamar xustiza que é o que lles estamos a demandar moitas veciñas e veciños de Lugo”, insiste Somoza.
Sen esquecer, engadía Somoza, a urxencia dun novo xulgado do social, unha demanda aprobada pero adiada “A sobrecarga desta sala na nosa provincia leva a que os conflitos se alonguen ate dous ou tres anos nos casos ordinarios e preto de seis meses nos urxentes, unha espera insoportable para os traballadores e traballadoras e as súas familias polo que non imos perder nin un minuto en esixir esa nova sala do social con urxencia”.
Desde Galicia en Común non permitiremos que o Estado esqueza a nosa provincia, incidía Somoza. “O 10 de novembro temos que mobilizarnos as xentes de esquerdas para rachar co bipartidismo en Lugo e ter un Goberno no que Galicia este presente con políticas feitas desde o noso país e que entenda as necesidades dos nosos sectores produtivos”, conclúe a candidata por Lugo.
Entre as 850 propostas programáticas de Galicia en Común, -un traballo extenso e moi coidado cun equipo redactor de 20 especialistas entre os mais reputados do país no seus campos-, figuran, no relativo aos feminismos, a implantación de protocolos de Asistencia Social Integral para todas mulleres vítimas de violencias machistas e a garantía de que as mulleres con diversidade funcional tamén poidan acceder en igualdade de condicións.
Asemade, garantir a aplicación das medidas de protección e asistencia ás mulleres transexuais ou transxénero que sexan vítimas de violencias machistas e para acadar o 100% das pensións de orfandade a fillos e fillas de mulleres asasinadas por violencias machistas. Importante será, tamén, mellorar a dotación de persoal e servizos, afondando nos plans formativos e na ampliación dos mecanismos de control e seguimento (Sistema VioGen), afondando na educación en igualdade tamén con ferramentas de control do sexismo na publicidade e na comunicación.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
