BURELA (FNC) .- A familia de Clotilde Pastor López é a gañadora da terceira campaña Ti podes dar vida, aforra auga posta en marcha polo Concello para promover un uso racional da auga. O xurado reuníuse esta mañá no Concello de Burela.
A concelleira de Medio Ambiente, Lucía Bouza, lembrou que “en marzo de 2009 o Concello de Burela puxo en marcha a III edición do programa de acción Ti podes dar vida, aforra auga, co obxecto de promover unha cultura cidadá do uso racional da auga. Segundo as bases que rexen o programa de acción, a Delegación de Medio Ambiente do Concello de Burela en colaboración con Viaxes Terramar comprometéronse a recompensar cunha estancia dunha fin de semana no Parque Natural dos Picos de Europa a aquela unidade familiar que realizase un maior esforzo en xestionar axeitadamente a demanda de auga no seu fogar”.
No día de hoxe reuniuse o xurado, do que forman parte, a técnico de Medio Ambiente, o alcalde, a concelleira de Medio Ambiente, un representante da Asociación de Veciños O Vencello, un representante de Viaxes Terramar e a secretaria do Concello de Burela. A edil socialista explicou que “unha vez revisada a documentación en poder da Oficina de Medio Ambiente do Concello de Burela, constátase que podían optar ao premio o 36% das unidades familiares inscritas. Tamén se conclúe que o 24,24% das familias participantes conqueriron unha redución no consumo de auga no fogar. A familia que logrou unha maior diminución no consumo de auga foi a de Clotilde Pastor López, que reduciu o consumo de auga no 2009 nun 21 % con respecto ao ano 2008”.
O informe de Medio Ambiente recolle que o 12,50 % das familias acadaron reducións con respecto ao seu consumo superiores a 90 días, constatándose os seguintes máximos e mínimos: A familia número 8, co factor de redución mínimo, acadou reducir o consumo equivalente á súa demanda de auga correspondente a oito días. E a familia número 19, co factor de redución máximo, acadou reducir o consumo equivalente á súa demanda de auga correspondente a 98 días. Do mesmo xeito, o 62% das familias que reduciron a demanda de auga no seu fogar verificaron un aforro económico derivado do custe do servizo da auga no rango de 10 a 20€, cos seguintes máximos e mínimos: A familia número 10, que acada a menor redución do custe anual do servizo, cunha variación de – 0,27€. E a familia número 19, que acada a maior redución do custe anual do servizo con unha variación de -15,43€.
A análise do consumo de auga da familia nº 19, que é a gañadora da campaña, amosa os seguintes resultados: a demanda de auga diaria no 2009 foi de 183,56 litros/día, o que supón 61,19 litros por membros da unidade familiar. Se todos os veciños de Burela acadasen unha taxa de consumo semellante á desta familia poderían satisfacerse nas mesmas condicións as necesidades diarias de auga de 12.542 veciños máis.
Por outra banda convén resaltar o esforzo xeral da poboación burelesa de cara a facer un uso sostible da agua, constatándose que: o valor acadado en 2009, iguálase ao valor galego correspondente ao 2007 e é 5 litros inferior ao valor estatal da mesma data.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
