Burela, 2 de decembro, 2019. Vista Alegre e o Pescados Rubén non puideron celebrar ao grande o desenlace do Clásico esta tarde. As Guerreiras fixeron de todo; competiron, remontaron o tanto das madrileñas e xeraron ocasións, pero tamén perdoaron nos últimos metros e iso penalizou ante calidade do Futsi Atlético Navalcarnero, que se apropiou do partido no último minuto e medio (2-3), con xogo de cinco, na primeira derrota mariñá.
Ana Romero mostrouse impasible nos primeiros achegamentos das de Andrés Sanz. No minuto 4, Futsi xa acumulaba as cinco faltas, parecía que o partido se vía obrigado a tomar outros camiños, pero a sexta resistiuse. Jane caeu nas proximidades da área de Belén de Uña, puido contraatacar Peque pero non houbo fortuna. Futsi sacou a vantaxe a falta de 28 segundos para o ecuador do primeiro acto, cunha xogada de Anita Luján que lle serviu a Leti. Jane no 11 non superou o cara a cara fronte á meta madrileña. Pouco despois Ari salvou en última instancia nun sombreiro de Jenny Lores. Ale de Paz tamén puxo a proba á meta visitante, nunha gran chegada de Peque. Cumpríase o 13 de xogo. E por fin chegou a diana laranxa no 17, de Dany, cazando o rexeite de Ale de Paz. Bea Mateos a punto estivo de atopar o segundo acto seguido, de novo ante unha Belén de Uña moi oportuna. Ju Delgado cometeu a sexta con 57 segundos por diante para o descanso, pero a meta do Futsi sacou a perna para evitar a vantaxe burelista no dobre penalti ante Lara Balseiro.
A 11 burelista estívoo buscando con empeño e atopouno aos 29 segundos do reinicio, perforando a meta de Marta Balbuena a pase de Peque. A mellor do Futsi tívoa a ex das laranxas Gaby, no 28, que non a recolleu pegada ao pau; as burelistas frearon o momento máis perigoso das visitantes con Jozi ante Ari. Recuperaron fol nos últimos metros as mariñás sobre o 30, con Jenny primeiro e máis tarde Dany. Marta Balbuena sacou pouco despois o pé ante unha moi boa da 3 burelista. Con pouco máis de cinco minutos para a bucina final, Futsi cargouse de faltas e optou por xogo de cinco para pelexar pola defensa do liderado ante o segundo da táboa. Chegou a sexta no 36 con falta de Gaby sobre Cilene; de novo foi Lara Balseiro a encargada do dobre penalti. Que mágoa! Non puido materializarse o terceiro topándose co pé de Belén de Uña, de novo en pista. Mantívose férrea a defensa local fronte á porteira xogadora e subiu tamén a quinta das laranxas a falta de 1’59”. Final trepidante, como sempre prometen os duelos entre galegas e madrileñas. Con 1’30” aínda de xogo, Leti selou o empate nunha incursión de Ju Delgado que se lle escapou a Jozi e puido aproveitar a 7 visitante pegada ao pau. A reacción das de Julio Delgado tamén foi de cinco, abandeiradas por Bea Mateos. Ame Romero, de novo con Ju Delgado, aferrouse ao cume de Primeira cunha diana a falta de 35 segundos, que tocou Jozi, aínda que non puido parala.
Ficha técnica
Pescados Rubén Burela FS: Ana Romero, Cilene, Peque, Jane, Ale de Paz, cinco inicial; tamén xogaron Dany, Jenny Lores, Jenny, Bea Mateos, Luci, Lara Balseiro, Jozi
Futsi Atlético Navalcarnero: Belén de Uña, Ari, Leti, Ju Delgado, Ame Romero, cinco inicial; tamén xogaron Anita Luján, Gaby, María Sanz, Marta Balbuena
Goles: 0-1, minuto 10, Leti; 1-1, minuto 17, Dany; 2-1, minuto 21, Jane; 2-2, minuto 39, Leti; 2-3, minuto 40, Ame Romero
Árbitros: Carreira Romero // Ferrero Carballal. Por Burela amarela a Ale de Paz (minuto 22). Por Futsi amarela para Leti
Incidencias: Partido correspondente á xornada 12 de Primeira División disputado en Vista Alegre ante unhas 1000 persoas. A cita contou coa presenza da seleccionadora española, Clàudia Pons, e o seleccionador de Portugal, Luís Conceição, ademais do deputado de Deportes de Lugo, Efrén Castro, o xefe de Deportes da Xunta de Galicia en Lugo, Manuel Otero, o alcalde e o concelleiro de Deportes de Burela, Alfredo Llano e Ramiro Fernández, o edil barreirense Antón Veiga e o presidente do CD Lugo, Tino Saqués, entre outras autoridades.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
