Nota de Prensa
O Partido Popular acusa á Deputación de enganar ós veciños de A Pontenova
* Os populares constatan que na estrada A Pontenova-Riotorto “non hai ninguén traballando”
* Barcia recoméndalle a Lara Méndez “facer menos anuncios e viaxiños, e dicir a verdades e traballar máis”
A Fonsagrada, a 8 de abril de 2010.- O Grupo provincial do Partido Popular acusou á Deputación de enganar ós veciños de A Pontenova porque constataron in situ que na estrada A Pontenova-Riotorto “non hai ninguén traballando, e por non haber non hai sequera sinalización de obra”.
Os deputados provinciais José María González Barcia e José Manuel Yanes Ginzo, acompañaron ó portavoz popular no concello de A Pontenova, Jorge García, entre outros membros do PP local, nun percorrido pola totalidade dos once quilómetros do vial indicada, a LU-4803, constatando que “a tén máis semellanzas coa superficie lunar que cunha vía de comunicación do século XXI”.
O voceiro adxunto do PP na Deputación, José María González Barcia, pediulle a Lara Méndez “menos anuncios e menos viaxiños, e máis verdades, traballo e compromiso”. Segundo indicou, “non é de recibo que Méndez faga afirmacións que non son certas, e que anuncie visitas nun tono entre xocoso e amenazante porque o único certo é que a estrada está intransitable e que, como non comencen de inmediato a arranxala, unha boa medida para sacarlle proveito sería facer unha plantación de pinos porque para outra cousa non serve”.
O voceiro popular na Pontenova tamén culpou do retraso destas obras ó rexidor local porque “non se pode cobrar tres mil euros mensuais por unha media dedicación e non defender os intereses dos veciños; o alcalde debería estar aquí, demandando que a estrada se arregle dunha vez por todas”.
Jorge García lembrou que este vial “está neste estado lamentable pola incapacidade do concello e da Deputación de parar o seu deterioro”, mentres que Ginzo e Barcia salientaron que esta obra xa estaba contemplada nos plans da anterior etapa da Deputación que, enfatizaron, “foron paralizados absolutamente polo bipartito provincial”.
“Agora”, engadiron, “como queda un ano para as eleccións, éntranlles as presas, pero deberían de saber que eso ós veciños xa non lles cola, porque os usuarios desta estrada están fartos de que en tres anos non se fixera nada de nada”.
Os populares advertiron ademais de que hai curvas realmente perigosas que están sen sinalizar debidamente, e pedíronlle a Besteiro e a Méndez que veñan canto antes a ver o estado da estrada. “Eso sí”, puntualizaron, “que traigan xa os obreiros para arranxala e que veñan nos seus coches particulares, para sentir en carne propia o estado insufrible da estrada. Así, no caso de que haxa averías, que as paguen dos seus bolsillos, porque se veñen nos coches oficiais e teñen algún problema habería que arranxalos cos cartos de todos os cidadáns da provincia, cousa que non sería de recibo á vista de cómo está a estrada A Pontenova-Riotorto”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
