Burela, 5 de xaneiro, 2020. O Pescados Rubén Burela FS non puido estrear 2020 con recompensa na súa cuadrícula tras a visita á pista do Industrias Santa Coloma (5-2).
Os locais atoparon a súa iniciativa no luminoso no minuto 7 desde saída de córner, tocando na defensa laranxa, con David Álvarez. Matamoros e Lucho dispuxeron das mellores ocasións para igualar pero foi de novo David Álvarez o que viu portería para dar máis vantaxe aos cataláns, no 14, nun pase longo de Feixas. Petry puxo o 3-0 tras o descanso, no 28; antes Joselito tivera a oportunidade de reducir distancias ante unha grande aparición do gardameta do Industrias.
No ecuador do segundo acto, unha das Xoias Laranxas, Pitero, aproveitou un disparo cruzado na área para reducir, por fin. Era o 3-1; os de Juanma estaban dispostos a ir a por todas, pero en tan só 2 minutos chegou o lastre das faltas. A falta de máis de catro minutos e cunha procura incesante do gol, os do Mariskall optaron por xogo de cinco. No 38, Corso viu unha de ouro para o 4-1, desde propia pista e coa rede galega libre. Reaccionaron os burelistas co 4-2 pouco despois, nas zapatillas de Luisma, que cazou un mal despexe do Santa Coloma. O 5-2 subiu nos últimos compases, en superioridade local, tras a expulsión de Renato.
Ficha técnica
Industrias Santa Coloma: Feixas, Well, Corso, Verdejo, Petry, cinco inicial; tamén xogaron Uri Santos, Pablo Vidal, Khalid, Albert Cardona, Bermusell
Pescados Rubén Burela FS: Edu, Luisma, Pitero, Renato, Pope, cinco inicial; tamén xogaron Joselito, Lucho, R. Vargas, Matamoros, Álex Diz
Goles: 1-0, minuto 7, David Álvarez; 2-0,minuto 14, David Álvarez; 3-0, minuto 28, Petry; 3-1, minuto 30, Pitero; 4-1, minuto 38, Corso; 4-2, minuto 39, Luisma; 5-2, minuto 40, Álex Verdejo
Árbitros: Alonso Montesinos // Santander Flamarique. Por Burela amarela a R. Vargas (minuto 24), Luisma (39) e vermella a Renato (minuto 40)
Incidencias: Partido correspondente á xornada 16 de Primeira División disputado en Badalona.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
