Friol, 15 de xaneiro de 2020. A conselleira de Educación, Universidade e Formación Profesional, Carmen Pomar Tojo, o conselleiro de Sanidade, Jesús Vázquez Almuiña e o secretario xeral para o Deporte, José Ramón Lete Lasa, asinaron na mañá de hoxe un convenio de colaboración entre os tres departamentos que impulsa unha alianza estratéxica para loitar contra a obesidade infantil e promove estilos de vida activa nos escolares galegos dos centros participantes nos Proxectos de Vida Activa – Rede de Centros Activos e Saudables a través da plataforma DAFIS (Datos de Actividade Física Saudable), desenvolvidos ao amparo do Plan de Fomento de Actividade Física ‘Galicia Saudable’. O acto tamén contou coa presenza do delegado territorial da Xunta en Lugo, José Manuel Balseiro, o director xeral de Educación, Formación Profesional e Innovación Educativa, Manuel Corredoira López e do alcalde de Friol, José Ángel Santos.
O Plan Galicia Saudable nace en 2012 para facer fronte a un dos grandes desafíos da saúde pública de comezos do século XXI, o aumento das mortes, enfermidades e discapacidades provocadas polo sedentarismo e a práctica insuficiente de actividade física. Dentro do seu amplo abanico de ferramentas e plataformas orientadas a esta fin destaca DAFIS como un protocolo de valoración da condición física relacionada coa saúde do alumnado. A Organización Mundial da Saúde, a través da súa oficina europea, seleccionou o programa en 2018 como o mellor exemplo nacional de boas prácticas para a promoción da actividade física no ámbito escolar.
A Secretaría Xeral para o Deporte, a través da Fundación Deporte Galego, é a responsable da xestión da plataforma DAFIS que, desde o primeiro curso no que se puxo en marcha (2012/2013), contou coa participación de 141 centros educativos de 73 concellos. En total realizáronse 26.606 valoracións de condición física saudable a 15.651 alumnos e alumnas de 6-16 anos que inclúen datos de IMC, perímetros de cintura e cadeira.
A tenor do convenio asinado hoxe acádase a integración dun traballo común entre profesores e pediatras a través de DAFIS. Os centros educativos participantes no programa valorarán e recollerán os datos de condición física saudable dos seus alumnos e alumnas na plataforma DAFIS. Pola súa banda, o Servizo Galego de Saúde (Sergas) poderá acceder a esta plataforma para contribuír ás valoracións efectuadas. Deste xeito, o persoal facultativo e de enfermería poderá emitir informes de recomendacións individuais que estarán accesibles na ferramenta interactiva e-saúde e que poderán ser achegados ao profesorado dos centros de ensino telematicamente.
O acto de sinatura rematou coa realización dalgunhas probas DAFIS no pavillón polideportivo do centro a algúns dos 150 nenos e nenas asistentes.
Máis e mellor actividade física nos colexios
A presentación e sinatura do convenio celebrouse no CPI Doutor López Suárez por ser un centro pioneiro tanto na plataforma DAFIS como na cesión dos datos ao Servizo Galego de Saúde. Desde a súa adhesión ao programa, o centro acadou o retroceso dun punto porcentual na taxa de obesidade infantil.
A conselleira de Educación, Universidade e Formación Profesional, Carmen Pomar, explicou que este Proxecto de Vida Activa e Deportiva forma parte dos Plans Proxecta liderados polo seu departamento en coordinación e colaboración cos demais departamentos do Goberno galego nunha aposta por fomentar a innovación educativa nos centros escolares a través de iniciativas que desenvolven “non só competencias clave, senón tamén elementos transversais como a educación en valores”. A través deste Proxecto de Vida Activa e Deportiva, o centro educativo exerce de polo dinamizador e promotor de hábitos de vida saudable. Carmen Pomar subliñou a importancia de que os rapaces incorporen nas súas rutinas diarias o exercicio físico como hábito de vida saudable. “O obxectivo final é loitar contra o sedentarismo, creando hábitos que perduren fóra do centro escolar e ao longo de toda a vida, dende a infancia ata a vellez, implicando no proceso a toda a familia”, dixo a conselleira, que aproveitou para agradecer a colaboración dos docentes e a implicación das familias nestas tarefas.
Pola súa banda, o conselleiro de Sanidade, Jesús Vázquez Almuiña, remarcou a aposta do seu departamento pola promoción dos hábitos de vida saudable e os beneficios do deporte para combater o sobrepeso e a obesidade infantil. Tal e como sinalou Almuiña, no Sergas non queremos quedarnos so coa promoción da vida activa para o neno san, senón que queremos atender á diversidade e establecer pautas e recomendacións seguras para aqueles nenos que xa están a sufrir unha patoloxía crónica de base pero que, cunha recomendación individualizada, poden beneficiarse tamén da actividade física, -referiu o conselleiro-.
O secretario xeral para o Deporte felicitou á directora do centro, Asunción López, ao coordinador do proxecto, Felipe Barata e á pediatra de Friol, Yolanda Romero por este “fito sen precedentes no medio dun contexto de incremento dos datos de obesidade infantil que intentamos mudar con accións como a sinatura deste convenio”. Lete Lasa definiu o traballo coordinado entre educación, sanidade e deporte como a suma dos “tres vértices dun triángulo equilátero que medra para redundar na melloría da saúde de toda a nosa poboación”. Neste sentido subliñou a importancia de “concienciar, sensibilizar e actuar na procura de máis e mellor actividade física nos colexios”. “O noso obxectivo e chegar a todos os nenos e nenas de Galicia, mellorar os datos de obesidade infantil e estender este efecto positivo ás súas etapas futuras así como a toda a poboación”, dixo.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
