A Mariña, 22 de xaneiro, 2020. Diante do rebumbio informativo ao redor dunha iniciativa que dan en chamar “pin parental”, a Confederación ANPAS GALEGAS decidíu amosar o seu total rexeitamento a esta proposta política, xa que:
A participación das familias no control dos centros escolares está garantida ao estarmos dentro dos Consellos escolares, onde se valora o Plan Xeral Anual do centro, que é onde están incluídas todas as actividades ordinarias e extraordinarias do mesmo. Aproveitamos para reclamar que esa participación retome os valores anteriores á LOMCE, cando o Consello Escolar aprobaba ese Plan Xeral. É sorprendente que as mesmas ideoloxías que laminaron as liberdades de expresión das familias e o profesorado nos centros escolares públicos, veñan agora a reivindicar esa liberdade.
Todas as actividades que realizan os centros educativos públicos galegos deben estar xa axustadas ao ordenamento xurídico vixente, elaborado polos Parlamentos democráticos de todo signo que a cidadanía votamos ao longo dos anos, e que constitúe a base da nosa convivencia pacífica.
É un debate absolutamente falso, non hai, ata o momento, ningunha familia do Ensino Público Galego que rexeitara explicitamente os contidos cos que se traballa na formación, académica ou transversal, do alumnado galego.
Resulta un ataque intolerábel contra a atención a diversidade, a inclusión, a loita pola igualdade e o respecto entre xéneros, valores todos eles que están incorporados á nosa lexislación e á nosa vida cotián, e nos que as familias agardamos contar coa colaboración da nosa Escola Pública para a educación das nosas fillas e fillos como cidadás e cidadáns informadas, libres, tolerantes e participativas
.
As Anpas galegas rechazan drasticamente o PIN parental
Relacionado
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
