Burela, 22 de xaneiro, 2020. As caras novas do Pescados Rubén Burela FS, os alas brasileiros Xande e Pixote, poderán debutar este sábado en Vista Alegre ante o titánico Movistar Inter FS (18.30 horas). Acompañados polo presidente mariñán, Manuel Branco, as últimas incorporacións do vestiario de Juanma Marrube falaron das súas primeiras impresións no fútbol sala español e da adaptación á Familia Laranxa.
Alexandre dos Santos ‘Xande’ (Rio de Janeiro, 1988), internacional coa Selección do Uruguai, estréase nas pistas españolas, procedente do Jaragua Futsal, aínda que esta non será a súa primeira aventura en Europa: “Tiven unha experiencia marabillosa en Portugal con Benfica e quería volver ao fútbol sala europeo. Necesitaba un novo desafío e Burela presentouse como unha grande oportunidade; falábanme moi ben do equipo, dos xogadores e do trato do club así que foi unha decisión moi doada” explicaba a ala zurdo, prometendo competitividade e experiencia: “O equipo recibiume moi ben; o equipo ten un bo bloque pero non tivo moita sorte. Hai que mirar cara adiante para seguir medrando e para iso chegamos nós, para axudar en todo poidamos. Temos o primeiro reto este sábado, cun dos mellores equipos do mundo” explicaba o novo 15 burelista, que terá un novo compromiso internacional a partir do domingo: “Xogar na selección é un motivo de moito orgullo. Uruguai acolleume moi ben, temos grandes soños e o principal pasa agora mesmo por xogar a Copa do Mundo. Agora temos un bonito reto; espero conseguilo e volver con máis confianza para dar o mellor do meu xogo aquí, co Pescados Rubén”.
Alexandre Rodrigues Canha ‘Pixote’ (Recife, 1987) recala en Burela tras o seu paso recente por Magnus e Copagrill Futsal e coa honra de defender a camisola do Brasil. “Teño as mellores expectativas nesta nova etapa. Chego para achegar experiencia ao equipo, coa miña traxectoria en Brasil e Rusia, e axudar en todo o que poida”, mostrábase así, contento e ilusionado, o 13 laranxa: “Puiden participar na rotación o domingo; as sensacións sobre a pista foron boas; espero adaptarme axiña e axudar canto antes ao equipo” reflexionaba así o ala sobre os seus primeiros minutos co Pescados Rubén, na pista de Levante, onde tamén debutou Xande.
“O fútbol sala é moi diferente ao brasileiro tanto no xogo como nas calidades dos deportistas. Vimos dispostos a dar todo de nós para poder axustarnos á dinámica do equipo rapidamente”, coincidían Pixote e Xande.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
