Lugo, 13 de febreiro de 2020. O Presidente da Deputación, José Tomé Roca, participou este xoves no IES Lois Peña Novo de Vilalba nas actividades da 6ª Semana da Deputación na Escola, unha iniciativa organizada pola institución provincial que ten como obxectivo divulgar entre o alumnado de Educación Secundaria a realidade e a diversidade ambiental da provincia de Lugo. Con esta finalidade, a Deputación editou nesta edición do proxecto, o libro-manual titulado Polos camiños históricos. Das vías romanas á modernidade, que foi difundido entre os 42 centros participantes, de 24 concellos diferentes, e que chegará a preto de 7.500 alumnos.
Na súa visita, o Presidente tivo ocasión de conversar cos rapaces vilalbeses sobre a actividade. Queremos que os máis novos coñezan o patrimonio natural da nosa provincia dunha maneira lúdica e entretida, a través de actividades didácticas que poñen en valor o medio ambiente e a súa relación co ser humano”, subliñou José Tomé. “Está moi ben que viaxedes e coñezades outras realidades, pero tamén é moi importante que saibades a historia do lugar no que vivides e dos 67 concellos que conforman Lugo”.
Os camiños históricos
O libro editado pola Deputación, Polos camiños históricos. Das vías romanas á modernidade, ten como fin achegar un mellor coñecemento da provincia á comunidade escolar. Está escrito por Xosé A. Perozo e contempla cunha ampla selección de fotografías dos recursos naturais e patrimoniais cedidas polo Arquivo e Colectivo Patrimonio dos Ancares. É un caderno de ruta desde a perspectiva dunha personaxe viaxeira, que percorre os diferentes camiños que se poden facer pola provincia de Lugo.
Durante a viaxe, tómanse como referencia os vieiros históricos. Comézase polos camiños romanos, logo repásanse os Camiños de Santiago que percorren a provincia e a terceira alternativa é unha visita pola Ribeira Sacra. O obxectivo é acadar unha imaxe global de como as comunicacións históricas, dende os tempos da romanización, pasando pola época medieval ata chegar ao exemplo do turismo na Ribeira Sacra, contribuíron a formar a idea da provincia de Lugo. Introdúcense algúns espazos destacados -fotografía e texto- sobre as vilas e aldeas visitadas co obxecto de situar dun modo tanxible e visual o percorrido.
Así, ademais de ir repasando os valores naturais da provincia -especialmente os protexidos-, facendo fincapé nas augas, na biodiversidade, no valor patrimonial dos mesmos e na importancia cultural que supoñen, vaise analizando o impacto do ser humano no espazo natural, ao tempo que descobre como o medio ambiente e o territorio condicionan a propia cultura, dende os usos agrícolas ou construtivos ata a gastronomía e as crenzas populares.
Actividades
A Semana da Deputación na Escola contempla unha serie de actividades para desenvolver co alumnado nos centros escolares. Os primeiros catro días, de luns a xoves, trabállase coa pegada de carteis no centro escolar, lectura nas aulas do libro-guía, realízanse actividades a partir da guía do profesorado e elabóranse murais colectivos e carteis individuais para promocionar o coñecemento da historia da provincia.
Para concluír as xornadas divulgativas, o último día ten lugar a Festa Escolar da Provincia na Escola, na que se expoñen os murais realizados polo alumnado. Os centros participantes escollen os gañadores e interprétanse raps sobre a temática abordada.
Centros inscritos
42 centros de Educación Secundaria de toda a provincia participan na 6ª Semana da Deputación na Escola, que se está a celebrar esta semana.
– IES Plurilingüe Fontem Albei, da Fonsagrada
– IES Fonmiñá, da Pastoriza
– IES de Becerreá
– IES Monte Castelo, de Burela
– IES da Terra Chá, José Trapero Pardo, de Castro de Rei
– IES Marqués de Sargadelos, de Cervo
– IES Val do Asma, de Chantada
– IES de Foz
– CPR Plurilingüe Nuestra Señora del Pilar, de Foz
– CPR Plurilingüe Martínez Otero, de Foz
– IES Poeta Díaz Castro, de Guitiriz
– IES Ánxel Fole, de Lugo
– CPR Plurilingüe San José, de Lugo
– CPR Plurilingüe Divino Maestro, de Lugo
– CPR La Inmaculada, de Lugo
– CPR Plurilingüe Padres Franciscanos, de Lugo
– CPR Galén, de Lugo
– CPR Seminario Diocesano Sagrado Corazón, de Lugo
– CPR Divina Pastora, de Lugo
– CPR María Auxiliadora, de Lugo
– CPR Fingoi, de Lugo
– IES Lucus Augusti, de Lugo
– IES Nosa Sra. dos Ollos Grandes, de Lugo
– IES Sanxillao, de Lugo
– IES Muralla Romana, de Lugo
– IES Pedregal de Irimia, de Meira
– IES Plurilingüe San Rosendo, de Mondoñedo
– IES A Pinguela, de Monforte
– CPR Plurilingüe Fundación Educativa Torre de Lemos, Monforte
– CPR Ferroviario, de Monforte
– CPR Padres Escolapios, Monforte
– IES Francisco Daviña Rey, de Monforte
– IES de Monterroso, de Monterroso
– IES de Quiroga, de Quiroga
– CPR Sagrado Corazón de Jesús, Ribadeo
– IES de Ribadeo Dionisio Gamallo, Ribadeo
– CPR Plurilingüe Ntra. Sra. de la Asunción, Sarria
– IES Gregorio Fernández, Sarria
– IES Xograr Afonso Gómez, de Sarria
– IES Lois Peña Novo, Vilalba
– IES María Sarmiento, de Viveiro
– IES Vilar Ponte, Viveiro
– IES Illa de Sarón, de Xove
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
