Ribadeo, a 14 de febreiro de 2020.- “O asentamento da actividade empresarial que, á súa vez, contribúe ao asentamento da poboación é fundamental para o futuro de Ribadeo”. Así o asegura o portavoz do Grupo Municipal do PP, Daniel Vega, en relación a unha das propostas nas que xa traballan e que defenderán os populares na vindeira sesión ordinaria do Pleno da corporación local: unha moción para instar á Entidad Pública Empresarial de Suelo (SEPES) dependente do Goberno do Estado e que xestiona o parque empresarial de Ribadeo a rebaixar o prezo do solo e que o Concello ribadense elimine as cargas impositivas sobre o asentamento de empresas no polígono industrial.
Vega critica “a falta de medidas por parte do goberno local para garantir o asentamento empresarial, o que evidencia a súa falta de compromiso co crecemento económico e co futuro de Ribadeo”. Nesa liña, a proposta dos populares, que agardan que conte co respaldo dos distintos grupos da corporación municipal, “contribuiría a facilitar ás empresas o seu asentamento no polígono ribadense e incentivar o desenvolvemento da actividade industrial no noso concello”.
Tendo en conta que “o coste do solo é unha das principais dificultades para a súa ocupación”, o popular considera necesario “establecer políticas dirixidas á creación de condicións idóneas para atraer empresas tanto en materia de infraestruturas coma de coste do solo industrial” e, a nivel local, “tamén a través da redución ao máximo posible das taxas impositivas”.
Nesta liña, o voceiro do PP ribadense pon de exemplo “aos polígonos industriais xestionados a través de Xestur, sociedade dependente da Xunta de Galicia, porque ofrecen prezos moi competitivos que resultan máis atractivos para as empresas”. É por iso polo que defende que “o organismo estatal -SEPES- estableza un prezo do solo industrial similar ao doutras administracións coma a Xunta; ademais doutras facilidades para os interesados en adquirir terreos”.
A Xunta incentiva a compra de solo público
Daniel Vega explica que “o Goberno galego ten posto en marcha, co obxectivo de incentivar a compra de solo industrial público, unha liña de bonificacións no prezo das parcelas, ampliación dos prazos para facilitar os pagos ou, máis recentemente, o denominado dereito de superficie”. E todo isto contribúe, segundo o popular, “a xerar actividade económica e crear novas oportunidades de emprego”.
O popular considera que “as políticas dirixidas á oferta de solo industrial a un prezo máis accesible e á redución das taxas por parte das administracións van na dirección correcta” e, máis agora, “cando se producen os primeiros síntomas de desaceleración da economía”. Polo tanto, Vega defende que “é prioritario facer que empresas e emprendedores dispoñan de oportunidades para desenvolver a súa actividade inversora que permita, á súa vez, incentivar o crecemento produtivo e económico do noso municipio”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
