Lugo, a 17 de febreiro de 2020. Os deputados provinciais Javier Castiñeira e José Antonio García, viceportavoces populares, anunciaron está mañá en rolda de prensa que o Grupo Provincial do PP presentará recurso contra o decreto do presidente, o socialista José Tomé, polo que a Deputación adquiriu unha acción do capital social da empresa Transformación Agraria S.A. (Tragsa). Deste xeito, Tragsa pasou a ser medio propio personificado da Deputación e a xunta de goberno encargoulle o mantemento e conservación das zonas verdes de titularidade provincial, servizo que ata entón atendía a Sociedad Urbanística Provincial de Lugo S.A. (Suplusa). Os populares están convencidos de que «esa resolución de Tomé implica unha modificación no réxime de prestación do servizo de mantemento das zonas verdes da Deputación, e, polo tanto, esa decisión non lle correspondía tomala ao presidente senón que é competencia plenaria». Hai que recordar que os vinte traballadores de Suplusa dedicados ás zonas verdes foron transferidos a Tragsa.
Os citados deputados populares expuxeron que o presidente da Deputación ten que explicar que hai detrás da decisión de adquirir a acción de Tragsa. «Polo que imos vendo, esta resolución, adoptada por decreto do presidente da Deputación, non favorece en absoluto os intereses dos lucenses, porque non só non aforran nada co encargo a Tragsa do mantemento das zonas verdes provinciais, senón que estamos convencidos de que supón un encarecemento notable con respecto aos custes que tiña co servizo a cargo de Suplusa».
José Antonio García lembrou que no encargo feito pola xunta de goberno da Deputación a Tragsa para o mantemento da zona verdes se fixa un importe total de 412.594,03 euros, por seis meses; se isto finalmente é así, o citado servizo operado por Tragsa pode acabar custando considerablemente máis que cando se atendía por medio de Suplusa. García sinala: «Polo tanto, de aforro nada».
Os populares reclaman con firmeza do bigoberno provincial, presidido por José Tomé, que facilite información oficial do custe mensual para as arcas provinciais do mantemento por Suplusa das zonas verdes dependentes da Deputación.
Por outro lado, os dous vicevoceiros do PP na Deputación sosteñen que no encargo feito a Tragsa para o mantemento das zonas verdes non figura a cesión gratuíta da maquinaria de Suplusa, sociedade agora en liquidación, que, como xa se informou, está sendo utilizada actualmente por Transformación Agraria.
Parques empresariais
Desde o PP expresan a súa preocupación polo futuro dos parques empresariais que dependían de Suplusa e reclaman do goberno provincial, e concretamente do presidente, José Tomé, que deixe de actuar coa falta de transparencia coa que opera con respecto á citada sociedade.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
