Foz, 11 de marzo de 2020. O voceiro do Grupo Municipal Popular de Foz, Javier Castiñeira, ante a confirmación do primeiro caso de coronavirus no municipio ofrece ao goberno local a súa “máxima colaboración”. Nese sentido, o popular considera oportuna a convocatoria da xunta de portavoces para “analizar a situación” e abordar de forma conxunta os procedementos de colaboración co resto das administracións -tanto a consellería de Sanidade da Xunta de Galicia coma o Ministerio de Sanidade- que determinan os protocolos e actuacións a seguir nesta materia.
O voceiro do PP no municipio cre, así mesmo, que “o Concello debe poñer ao servizos dos veciños e veciñas a información sobre os protocolos de actuación recomendados polas administracións correspondentes para que sexan efectivos e, ao mesmo tempo, facerlles chegar unha mensaxe de tranquilidade”. Nesa liña, Castiñeira sinala que a Xunta de Galicia ten habilitada unha liña de teléfono para ofrecer información sobre o coronavirus chamando ao 900 400 116 ou, coma de forma habitual, os números de teléfono de emerxencias sanitarias.
Apraza a comida de maiores Castiñeira considera preciso aprazar a comida de maiores organizada polo goberno local e prevista para o vindeiro sábado 21 de marzo. O voceiro dos populares no municipio recorda que “nesta cita participan habitualmente unhas 400 persoas” e, polo tanto, defende que “esta debería ser unha das primeiras medidas que adoptase o Concello en materia de prevención co obxectivo de evitar riscos” porque son, precisamente, os maiores o colectivo máis vulnerable”.
O PP de Foz ofrece colaboración ao goberno local e solicita a convocatoria da xunta de portavoces para analizar a xestión do coronavirus
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
