Compostela, 21 de marzo. Galicia en Común-Anova Mareas demanda lealdade institucional e a urxencia de mobilizar todos os medios precisos na emerxencia sanitaria e económica da loita contra a pandemia do Covid-19 no país.
O candidato da coalición, Antón Gómez-Reino, urxirá mañá a Alberto Núñez Feijóo a tomar medidas mais contundentes e determinadas no reforzo e na asistencia nas residencias de maiores, nos centros de día e de atención as persoas dependentes, colecñtivos de risco que precisan dunha acción decicida e inmediata da Xunta. Así llo trasladará mañá nunha nova xuntanza telemática que manterán este domingo 22 as 17 horas todas as candidatas e candidatos das forzas políticas galegas.
Máis aló do consenso acadado para adiar as eleccións autonómicas do 5 de abril, Galicia en Común instará a todos os partidos a a manter “unha posición de país, con rigor e lealdade ante o maior reto ao que se ten enfrentado a sociedade galega na súa historia recente”.
“Non cabe falar de lealdade ao Goberno do Estado e procurar réditos políticos para eludir a súa responsabilidade na dotación de medios humanos e materiais para o reforzo do sistema sanitario”, dixo. Gómez Reino recordou que baixo sucesivos gobernos do Partido Popular de Alberto Núñez Feijóo executouse unha estratexia política enfocada a desmontaxe da sanidade púiblica.
O candidato e voceiro de Galicia en Común lembrou as denuncias reiteradas dos profesionais sanitarios, que levan anos advertindo do peche de instalacións -nunha década suprimiuse case o 10% das camas hospitalarias-, do acelerado proceso de privatizacións e deriva de pacientes a hospitais privados, e da depauperación das condicións laborais, que fixeron que miles de traballadoras vivan sometidas a contratacións precarias por días e incluso por horas. “Un decenio de ataques á sanidade pública non se poden agora maquillar coa maquinaria propagandística de Feijóo”, sinalou.
Gómez-Reino lembraba que hai dez días, as candidatas da coalición advertiron en Compostela da urxencia de reforzar, desde a Xunta, equipos humanos e materiais. No concreto, Eva Solla alertaba das graves eivas de persoal da Consellería de Política Social en residencias de maiores e persoas dependentes e Martiño Noriega urxíu máis dotación humana e técnica para a atención telefónica e do teléfono de emerxencias 061, así como para os puntos de atención continuada a medios na Primaria
“Precisamente, hai semanas interpelabamos no Parlamento galego ao conselleiro de Sanidade pola falta de medios ante a propia gripe estacional e pedindo a equipación das camas que o Sergas mantiña pechadas nos centros hospitalarios para illamento e contención. A Xunta non se pode esquecer dos maiores e dependentes. Cómpre reforzo, información e protocolización”, dixo Solla o 12 de marzo.
Por último, Gómez Reino quixo trasladar “unha mensaxe agradecida de recoñecemento ao inmenso esforzo cívico que está a facer a cidadanía galega, un esforzo individual para un ben colectivo. Polo ben común, pola saúde e a vida”.
Asi mesmo, desde Galicia en Común-Anova Mareas trasladamos “unha mensaxe de solidariedade, agarimo e profunda admiración aos profesionais da sanidade pública, aos servizos de emerxencia e seguridade, ao persoal de toda a cadea de producción e distribución alimentaria e aos pequenos comercios de barrio que seguen a traballar polo ben de todas”. “Son elas aos que aplaudimos cada tarde noite desde as nosas ventanas, para homenaxear o seu compromiso co común”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
